Салгыы
Юрий Винокуров: «Муома улууһа сулууспалыы сылдьар биир дойдулаахтарыгар тус көмөтүн оҥоро олорор»

Юрий Винокуров: «Муома улууһа сулууспалыы сылдьар биир дойдулаахтарыгар тус көмөтүн оҥоро олорор»

Ааптар:
09.02.2023, 15:00
Хаартыска Ю.Винокуров тиксэриитэ.
Бөлөххө киир:

Тус хоту ыраах олорор Муома улууһун дьоно-сэргэтэ, салалтата, уопсастыбаннай түмсүүлэрэ байыаннай эпэрээссийэҕэ сылдьар биир дойдулаахтарыгар уонна кинилэр дьиэ кэргэттэригэр өйөбүлү, көмөнү оҥоро олороллор. Туох-ханнык көмө оҥоһулла турарын, үлэ барарын туһунан улуус дьокутаатын Юрий Винокуровы кытта “Саха сирэ” хаһыат саайтын ааҕааччыларыгар анаан кэпсэтэ сырыттыбыт.

— Дойду Бэрэсидьиэнэ В.В.Путин байыаннай эпэрээссийэнэн сибээстээн быстах ыҥырыыны биллэрэр туһунан балаҕан ыйын 21 күнүгэр ылыммыт быһаарыытынан биһиги улуустан 11 биир дойдулаахпыт ыҥырыллан барбыта. Олортон араас төрүөтүнэн сорохтор сулууспаттан сыыйыллан кэлбиттэрэ.
Муома улууһа Украина сиригэр тиийэн сулууспалыы сылдьар биир дойдулаахтарыгар тус көмөтүн оҥоро олорор. Уопсайынан, баҕа өттүнэн уонна хантараагынан, быстах ыҥырыынан Муома улууһуттан төрүттээх атын улууска, куоракка олорор, үлэлиир уолаттарбыт болҕомто тас өттүгэр хаалбаккалар, кинилэргэ эмиэ итинник көмө бара турар. Онон Муома оройуонун муниципальнай тэриллиитин бүддьүөтүттэн 27 саллаакка барыта холбоон 1 890 000 солкуобайдаах көмө бэриллибититтэн хас биирдиилэригэр 70 000 солкуобай матырыйаалынай көмө оҥоһуллубута. Улуус нэһилиэнньэтэ, олохтоохтор, 1 мөл солкуобайы хомуйан ыыппыттара. Ити сулууспалыы сылдьар уолаттарбытыгар байыаннай усулуобуйаҕа таҥнар таҥастарыгар, экипировкаларыгар 290 880 солкуобайдаах көмө оҥоһуллубута. Саллааттар олохтон туорааһыннара биһиги улууспутун эмиэ таарыйда. Кинилэр дьиэ кэргэттэригэр, ийэлэригэр, кэргэннэригэр, оҕолоругар социальнай өттүнэн өйөбүлү, көмөнү оҥорор сыалтан улуус дьаһалтата тус аадырыстаах көмөнү оҥоруу туһунан балаһыанньаны ылыммыта. Манна олоҕуран байыаннай эбээһинэстэрин толоро сылдьан суох буолбут саллааттар дьиэ кэргэттэригэр тус аадырыстаах харчынан көмө оҥоһуллубута.
Муома улууһугар ийэлэр Сэбиэттэрэ гуманитарнай көмө быһыытынан «Тепло сердец для воинов – от мам Якутии с любовью” диэн аахсыйа ыытаннар, уоллаттары сылаас таҥаһынан хааччыйыыга түмсүүлээхтик үлэлээбиттэрэ. Улууспут ийэлэрэ тикпит ичигэс таҥастарын барыта 58 кг Дьокуускайга гуманитарнай көмөнү тутар пууҥҥа саллааттарга тиксэрэргэ анаан ыыппппыт. 2022 сыллаахха алтынньы ыйга тэрилтэлэр көмөлөрүнэн аһымал кэнсиэртэртэн 134 700 солкуобай киирэн, байыаннай эпэрээссийэҕэ кытта сылдьар саллааттарбыт дьонноругар көмөҕө диэн тиксэриллэн турар уонна улуус бүддьүөтүттэн кинилэргэ сир кадастровай боппуруостарыгар, култуура тэрээһиннэригэр босхо сылдьыыга, балыыһаҕа көрдөрүүгэ, ханнык баҕарар тэрилтэлэргэ бастакы уочаратынан өҥөлөрү ыларга, оскуолаҕа оҕолор остолобуойга босхо аһынан хааччыллыыларыгар, оҕо саадын төлөбүрүттэн босхолооһуҥҥа уо.д.а. эмиэ өйөбүл миэрэлэрэ үлэлииллэр. Ону таһынан «Якутоптторг» аҕалар бастакы суолталаах ас бородууктатынан уочарата суох хааччыйыы оҥоһуллар. Улуус тэрилтэлэрин, дьокутааттарын, салайааччыларын ааттарыттан ахсынньыга тэриллибит «Үтүө санаа харыйата» аһымал аахсыйанан саллааттар оҕолоругар Саҥа дьыллааҕы бэлэхтэр туттарыллыбыттара.
Муома улууһугар оскуолаларга, оҕо саадтарыгар, оҕо уопсастыбаннай тэрилтэлэригэр дойдуну таптыырга, төрөөбүт сиргэ бэриниилээх буолууга, дойду чиэһигэр харыстабыллаах сыһыаҥҥа иитиигэ болҕомто күүһүрдэ, үлэ бара турар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -20°Влажность: 40% Скорость ветра: 3 м/с

Сообщить об опечатке

Текст, который будет отправлен нашим редакторам: