Хаартыска: Бэрэсидьиэн Уһук Илиҥҥэ боломуочуйалаах бэрэстэбиитэлин пресс-сулууспата.
Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев сэрии инники кирбиитигэр Угледар аттыгар баран, байыастары наҕараадалаата. Кинини кытта “Восток” бөлөх командующайа, Арассыыйа Дьоруойа, генерал-полковник Рустам Мурадов сырытта.
Инники кирбиигэ барар сэрэхтээх, өстөөх биллэҕинэ, таах ытыалыан сөп. Онон болҕомтону тардыбат курдук, бастаан массыынанан, бронетранспортерынан, онтон сабыылаах грузовигынан айаннаабыттар. Артиллерия ытыалаан хаххалаабыт диэн бэрэсидьиэн Уһук Илиҥҥэ боломуочуйалаах бэрэстэбиитэлин пресс-сулууспата иһитиннэрэр.
Юрий Трутнев инники кирбиигэ тиийэн, Тихоокеанскай флот пехотинецтарыгар, Уһук Илин чулуу байыастарыгар судаарыстабаннай наҕараадалары — уордьаннары туттарда, разведка салааларыгар снайперскай бинтиэпкэлэри түҥэттэ.
— Аҕа дойдуну көмүскээччилэр күннэрэ Арассыыйаҕа бэлиэ күн, онон байыастарга наҕараадалары туттарарга тоҕоостоох. Бастатан туран, Ийэ дойдуларын, дьоннорун, көҥүлү көмүскүү, сэриилэһэ сылдьар уонна саҥа өрөспүүбүлүкэлэргэ көмөлөһөр эр дьоммут күннэрэ, онон кинилэри эҕэрдэлиэхтээхпит, наҕараадалыахтаахпыт дии саныыбын. Анал байыаннай дьайыы зонатыгар Уһук Илин байыастара улахан соругу толоро сылдьаллар, Кыайыыны чугаһатарга туох кыалларын барытын оҥороллор, — диэн Юрий Трутнев этэр.
Наҕараадаламмыт байыастары атын сиргэ илдьибэккэ, командующай уонна бэрэсидьиэн боломуочуйалаах бэрэстэбиитэлэ бэйэлэринэн тиийэн, эҕэрдэлээбиттэрэ санааларын көтөхтө.
Бэрэсидьиэн сорудаҕынан, Уһук Илин эрэгийиэннэрэ ДНӨ 8 куоратын чөлүгэр түһэрэллэр. Былырыын 200-тэн тахса эбийиэги чөлүгэр түһэрбиттэрэ. Ол тэтимнээх үлэ быйыл эмиэ салҕанар. Саха сирэ Кировскай куоракка көмөлөһөр.
Хаартыска: Бэрэсидьиэн Уһук Илиҥҥэ боломуочуйалаах бэрэстэбиитэлин пресс-сулууспата.
Бүгүн Горнай улууһун Аһыма сэлиэнньэтигэр оту тиэммит түөрт массыына кэллэ. Ол курдук, Хаҥалас улууһун Уулаах…
Кэнники сылларга киин куоракка сылаас тохтобуллары оҥороннор, олохтоохтор кыһыҥҥы тоһуттар тымныыга оптуобус кэтэһэллэригэр абыраннылар. Дьокуускай…
Олунньу 3 күнүн киэһэтигэр ИДьМ 1-кы нүөмэрдээх полиция салаатын дьуһуурунай чааһыгар, Звезднай түөлбэ биир дьиэтигэр…
Ылдьаа Скрябин күрэхтэһии түһүлгэлэригэр кэпсиир-сырдатар куолаһын дьон барыта биһириир, ылынар. 1990-с сыллардаахха Чурапчыга Иван Ильич…
Бүгүҥҥүттэн Хаҥалас улууһугар ситэриилээх былаас отчуота Иһит нэһилиэгиттэн саҕаланна. Оробуочай бөлөҕү бырабыыталыстыба бэрэссэдээтэлин солбуйааччы Анатолий…
Бу өрөбүлгэ, олунньу 9 күнүгэр, «Саха» НКИХ тэлэбиидэнньэтигэр «КЫАХ. Игры ГТО» диэн саҥа телевизионнай бырайыак саҕаланар.…