Юрист Арассыыйа олохтоохторо маҕаһыын каассатыттан хайдах уу харчыны ылыахтарын сөбүн кэпсээтэ

Арассыыйа олохтоохторо уу харчыны банкомакка эрэ буолбакка, маҕаһыын, аптека уонна массыына саппараапкатыттан быһаччы устуохтарын сөбүн АИД идэлээх юридическай бөлөх толорооччу дириэктэрэ Екатерина Романова РИА Новостига кэпсээбит.

“Арассыыйаҕа уу харчыны маҕаһыын каассатыттан быһаччы ылар официальнай өҥө баар. Бу “О национальной платежной системе” федеральнай сокуонунан үлэлиир. Сокуон, бааннар маҕаһыыннары кытта сөбүлэҥ түһэрсэллэрин көҥүллүүр, кинилэр банковскай платежной агенынан буолан, табаары төлүүллэригэр атыылаһааччыларга уу харчынан биэриэхтэрин сөп” – диэн Романова эппит.

Бу түгэҥҥэ маҕаһыын баан аатыттан үлэлиир итиэннэ кассовай операцияны үлэлэтии, отчуоттааһын ирдэбилин тутуһар эппиэтинэстээҕин юрист чопчулуур.

Маныаха атыылаһааччы пааспарын көрдөрөрө эбэтэр сайабылыанньа суруйара ирдэммэт.

“Арассыыйа баана муҥутуур суумалары ыйбыт: биир операцияҕа 5 тыһ. солк. уонна биир каартанан ыйга 30 тыһ. солк. диэри суума. Чопчу лимиитэ уонна хамыыһыйата каартаны таһаарбыт баантан тутулуктаах. Үксүгэр бааны кытта үлэлэһэр маҕаһыыннар харчы устан биэрэллэригэр хамыыһыйа ылбаттар. Баана атын буоллаҕына, атын банкоматтан устарга харчылааҕын курдук, кыра төлөбүр ылыахтарын сөп” – диэн Романова бэлиэтээн эппит. Бу туһунан РИА Новости суруйар. Сиһилии манна ааҕыҥ.