ЮРИСТ СЭРЭТЭР: Үлэ кэмигэр элбэхтик табахтааһын иһин эппиэтинэс көрүллэр

Үлэһиттэр үлэ күнүн олохтоммут эрэсиимин кэһэр буоллахтарына, чаастатык табахтыы тахсалларын иһин дисциплинарнай эппиэккэ тардыллыахтарын сөп диэн РИА Новости-га юрист, Москва куоракка уонна Москва уобалаһыгар быраабы араҥаччылыыр киин салайааччыта Александр Хаминскай кэпсээтэ.

«Үлэһити, үлэ күнүн эрэсиимин кэһэр уонна ол быраабыла тэрилтэ иһинээҕи докумуоннарыгар суруллубут буоллаҕына, чаастатык табахтыы тахсарын иһин дисциплинарнай эппиэккэ тардыахха сөп», — диэн Хаминскай эттэ. Онуоха юрист чуолкайдаабытынан, РФ Үлэҕэ кодексынан ыстараап көрүллүбэт, онон салайааччы үлэһити табахтыырын иһин ыстарааптыыр бырааба суох.

«Табахтыы тахсыы ахсаана сокуонунан хааччахтаммат, ол эрээри тэрилтэҕэ олохтоммут сынньалаҥ быраабылаларыгар сөп түбэһиэхтээх. Оттон табахтыыр аналлаах, анаммыт миэстэҕэ эрэ көҥүллэнэр», — диэн Хаминскай түмүктээтэ.