Юрий Трутнев: Норуоттар икки ардыларынааҕы Арктика пуорума – хотугу сирдэр-уоттар социальнай уонна экэниэмикэҕэ сайдыыларын дьүүллэһэр былаһаакка

Бу туһунан Бырабыыталыстыба бэрэссэдээтэлин солбуйааччы-РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Хабаровскайга сырыытын кэмигэр суруналыыстарга кэпсээтэ.

“Арассыыйа Арктика хайысхатыгар билигин уустук балаһыанньалаах. Арассыыйаҕа сыһыаннаан үтүө санаата суох үгүс дойду баар. Ол эрээри, биһиги уруккубут курдук кэпсэтиини ыытарга аһаҕаспыт, тоҕо диэтэххэ, Арктика норуоттар икки ардыларынааҕы бииргэ үлэлээһиҥҥэ хайысхаларбытыттан биирдэстэрэ. Бииргэ үлэлээһинтэн тахсыбыт дойдулар Арктикатааҕы сэбиэт үлэтин тохтоппуттара. Бары бииргэ быһаарыахтаах боппуруостарбыт бааллар. Мин санаабар, кинилэр ситэ толкуйдаабакка дьаһаннылар. Биһиги Арктикатааҕы пуорумҥа дьүүллэһиллиэхтээх бары хайысхаларынан үлэлиэхпит. Хотугу муора суолун, экэниэмикэ сайдыытын, экологияны уонна дьон олоҕун-дьаһаҕын кытта  кытта сибээстээх улахан кэлимсэ боппуруостар бааллар”, — диэтэ Юрий Трутнев.

Санаттахха, “Арктика – диалог сирэ-уота” норуоттар икки ардыларынааҕы Арктикатааҕы алтыс пуорум Мурманскайга быйыл кулун тутар 26-27 күннэригэр ыытыллыаҕа. Пуорум оператора – Росконгресс пуонда.