Ювелирнай хампаанньа хайдах тренд буолбутай?

Ювелирнай ускуустубаҕа «ыраас» диэн өйдөбүл баар, ол бриллиаҥҥа эрэ буолбакка, бренд философиятыгар  эмиэ сыһыаннаах. Быйыл 10 сыллаах үбүлүөйүн бэлиэтиир «УРУУ» ювелирнай хампаанньа уон сыл иһигэр олохтоох оҥорон таһаарыыттан Уһук Илин салаатын лидерыгар уонна дойдуга саха култууратын амбассадорыгар диэри улахан сайдыы суолун ааста. Бренд саха национальнай киэргэллэрин Саха сиригэр  уонна аан дойдуга баҕа санааны олоххо киллэриини хайдах ситиспитин туһунан суруйабыт.

Дьокуускай киинигэр 

«УРУУ» историята 2016 сыллаахха саҕаламмыта. Үгүс оҥорон таһаарыылар ороскуоту аччатаары, үлэлиир күүстэрин индустриальнай кииннэргэ көһөрө сатыыр кэмнэригэр, «УРУУ» ураты быһаарыыны ылбыта. Ол курдук, собуот өрөспүүбүлүкэ сүрэҕэр – Дьокуускайга баар буолбута.

Хампанньа билигин, 130-ча үрдүк квалификациялаах исписэлиис үлэлиир үрдүк технологиялаах оҥорон таһаарар хампаанньа. Тыйыс килиимэттээҕин уонна логистика өттүнэн ырааҕын үрдүнэн, собуот Саха сиригэр тутуллубута ситиһии төрдө буолбута.

«УРУУ» – Саха сирин араас улуустарыттан маастардары түмпүт улахан дьиэ кэргэн. Олохтоох дьоҥҥо үлэ миэстэтин таһаарыы уонна төрүт идэни сайыннарыы –  хампаанньа өрөспүүбүлүкэ экэниэмикэтигэр уонна социальнай туруктаах буолуутугар өйүнэн-санаатынан оҥорор кылаата.

Харысхал — удьуор кэпсээнэ

Сахалар былыр-былыргыттан ювелирнай маастарыстыбаларынан аатыраллар. Саха норуотугар киэргэл хаһан да көннөрү киэргэл буолбатах – харысхал, удьуор кэпсээнэ уонна айылҕа иччилэрин кытта быстыспат ситим. «УРУУ» маастардара ити култуурунай коду харыстаан, аныгылыы дизайнҥа киллэрэллэр.

Бренд кэллиэксийэтигэр  күндү металтан оҥоһуктартан, саха төрүт таҥаһын-сабын толору кэмпилиэктэрэ киирэллэр — кэрэ көстүүлээх илин-кэлин кэбиһэр, нарын ,быһыылаах бастыҥа, бөдөҥ бөҕөх, ону таһынан кур, уһун суһуох симэҕэ, ытарҕа, биһилэх.

Хас биирдии оҥоһугу оҥорууга ювелирдар каноннары тутуһаллар: ойуу-бичик суолтатын уонна ытык бэлиэлэри туһаныы быраабылаларын. Ити «УРУУ» киэргэллэрин көннөрү аксессуар эрэ буолбакка, тыыннаах үтүө үгэһэ.

Аан дойдуга

«УРУУ» ювелирнай хампаанньа – Арассыыйа аныгы креативнай индустриятын биир саамай чаҕылхай бэрэстэбиитэлэ. 10 сыл иһигэр хамаанда 2000-тан тахса ураты моделлары айбыта, онтон үгүстэрэ соҕотох экземплярга эрэ бааллар. Бренд визитнэй карточкатынан уруу уонна кэргэн тахсарга анаммыт биһилэхтэр, ону таһынан ыраас саха бриллианнаах оҥоһуктара буолаллар.

Ааспыт сылга хампаанньа Арассыыйа экспортыыр кииниттэн (ВЭБ.РФ бөлөҕө) «Арассыыйаҕа оҥоһулунна» диэн үрдүк аптарытыаттаах сэртипикээти ылан, үрдүк хаачыстыба уонна кытаанах ирдэбиллэргэ эппиэттиир диэн официальнайдык бигэргэтиллибитэ. Бу бренд историятыгар саҥа кэрдиис кэми – экспорты арыйда. Эксклюзивнай сакаастар Францияттан, Кыргыстаантан уонна Монголияттан кытта киирэллэр. Сахалыы ойуу-бичик уонна хотугу эстетика аан дойду аудиториятыгар өйдөнүмтүө уонна тардар күүстээх буолан таҕыстылар.

Уһун болдьохтоох стратегия

«УРУУ»-га сүрүн стратегиялара – түргэн барыс буолбатах, манна уһун дистанцияҕа киирсии. Бу – нэһилиэстибэҕэ хаалар бренд уһун уонна эрэллээх  киэргэлэ.

«Биһиги историябыт – култуурунай нэһилиэстибэни аан дойду таһымыгар күүстээх күрэстэһиигэ бастыыр кыахха хайдах кубулутуохха сөбүн холобура буолар, – диэн хампаанньаҕа бэлиэтииллэр. – Биһиги уһун болдьоххо үлэлиибит, хаачыстыбаҕа уонна бэйэбит силиспитигэр-мутукпутугар бэриниилээх буоларбытын харыстыыбыт. Саха норуотун ювелирнай оҥоһуктара аан дойду таһымыгар Арассыыйа култууратын дьиҥнээх илдьиттэрэ буолаллар».

Үбүлүөй – саҥа саҕалааһын кэриэтэ

10 сыллаах үбүлүөйүгэр «УРУУ» сайдыытын муҥутуур чыпчаалыгар кэллэ — оҥорон таһаарар күүстэрэ улааталлар, 3D-моделирование саҥа технологиялара көхтөөхтүк киллэриллэллэр, улахан маркетплейстарга ситиһиилээхтик тахсаллар уонна штаттара кэҥиир.

Өбүгэлэрбит ураты идэлэрин ньымаларын аныгылыы трендтэри кытта дьүөрэлээн, «УРУУ» дакаастыыр. «УРУУ» бэлиэлээх хас биирдии биһилэх, хас биирдии бөҕөх – Саха сирин дууһата.

«УРУУ» ювелирнэй хампаанньа 2016 сыллаахха олохтоммута. Бэйэтин собуота Дьокуускайга баар. Национальнай киэргэллэри, уруу биһилэхтэрин уонна бриллианнаах оҥоһуктары оҥорууга идэтийэр. «Арассыыйаҕа оҥоһулунна» хаачыстыба бэлиэтин хаһаайына.

Бэлэмнээтэ Диана Сивцева