Үүнээйи эйгэтэ. Сибэкки үүннэриэн баҕалаахха

Сибэкки үүннэриитигэр саҥа ылсар киһи судургу көрүүлээх, хаппырыыстаммакка үүнэр сибэккилэртэн саҕалыыра ордук.

Холобур, алоэттан, традесканцияттан, харчылаах мастан, бальзаминтан, спатифиллумтан, декоративнай  сэбирдэхтээх үүнээйилэртэн, уо.д.а.

Оттон азалия, гортензия, гардения, бегония курдук уустук көрүүлээх-истиилээх сибэккилэри үөрүйэх сибэккиһиттэр эрэ табан үчүгэйдик үүннэрэллэр. Дьиэҕэр аҕалар сибэккиҥ туһунан эрдэттэн билиэхтээххин. Бу үүнээйигэ хайдах температура, төһө сырдык, сиик наадатын, уу хайдах кутулларын. Сорох сибэккиҥ сырдыгы сөбүлүүр, сорох күлүккэ табыллан  үүнэр. Маны барытын биллэххэ, тутустахха итиэннэ наар үөрэ-көтө кэпсэтэ сылдьар  буоллахха, сибэкки олус үчүгэйдик үүнэр. Кинилэр син эмиэ оҕолор курдуктар, саҥарбаттар эрэ.

Е.Гаврильева — Сибэкки Дуунньа

«Үрдүк үүнүү кистэлэҥэ» («Айар», 2023 с.) кинигэттэн.