Үүнэр көлүөнэ тыйаатыра Калмыкияҕа национальнай тыйаатырдар бэстибээллэригэр кыттар

СӨ Үүнэр көлүөнэтин тыйаатырын артыыстара Калмыкияҕа Арассыыйа национальнай тыйаатырдарын бэстибээлигэр кытта көттө. Бу туһунан тыйаатыр пресс-сулууспата иһитиннэрэр.

Арассыыйа национальнай тыйаатырдарын бэстибээлэ Элиста куоракка муус устар 15-20 күннэригэр ыытыллыаҕа. Саха сирин тыйаатыра манна А.С. Пушкин төрөөбүтэ 225 сылыгар анаан туруоруллубут»Сказка о царе Салтане» остуоруйанан кыттыаҕа. Испэктээги тыйаатыр сүрүн режиссера, СӨ искусстволарын үтүөлээх диэйэтэлэ Александр Титигиров туруорда.

Бэстибээл аһаҕас бырагырааматыгар Арассыыйа араас өрөспүүбүлүкэлэриттэн алта национальнай тыйаатыр кыттара күүтүллэр.