Салгыы
До выборов президента РФ
00 дней
:
00 часов
:
00 минут
:
00 секунд
Үүнэр көлүөнэ тыйаатыра 32-с айар дьылын «Уйбаан уонна Соноҕосчоон» испэктээкилинэн арыйда

Үүнэр көлүөнэ тыйаатыра 32-с айар дьылын «Уйбаан уонна Соноҕосчоон» испэктээкилинэн арыйда

Ааптар:
25.09.2023, 11:45
Хаартысканы Үүнэр көлүөнэ тыйаатыра тиксэрдэ.
Бөлөххө киир:

РФ култууратын үтүөлээх үлэһиттэрэ Матрена уонна Алексей Павловтар салайааччылаах Саха сирин Үүнэр көлүөнэтин тыйаатыра балаҕан ыйын 22 күнүгэр 32-с айар дьылын «Уйбаан уонна Соноҕосчоон» (“Иван и Конек”) испэктээкилинэн арыйда.

Тэрээһин саҕаланыан иннинэ, тыйаатыр иннигэр уонна киэргэтиллибит сүрүн фойеҕа артыыстар остуоруйа араас дьоруойдара буолан, оҕолору үөрэ-көтө, сэргэхтик көрүстүлэр. Эдэр көрөөччүлэр астына-дуоһуйа сүүнэ көстүүмнээх баабырдыын, бөрөлүүн, тииҥниин, Гена крокодиллыын, Чебурашкалыын уонна саһыллыын алтыстылар, кинилэри кытта хаартыскаҕа түстүлэр.

Остуоруйа-испэктээкил саҕаланыан иннинэ, Үүнэр көлүөнэ тыйаатырын уус-уран салайааччыта, РФ култууратын үтүөлээх үлэһитэ, СӨ норуодунай артыыһа Алексей Павлов киирии тылы эттэ, саҥа үүммүт 32-с айар дьыл арыллыытынан бука бары кэлбит дьону итиитик-истиҥник эҕэрдэлээтэ. Кини бу саҥа сезоҥҥа көрөөччүлэр дойдуга бэриниилээх буолууга аналлаах уонна оскуола бырагырааматынан турбут испэктээкиллэри көрүөхтэрэ, онтон кырачаан көрөөччүлэргэ үөрэтэр уонна билиилэрин хаҥатар ис хоһоонноох испэктээкиллэр көрдөрүөллүөхтэрэ диэн бэлиэтээтэ.

«Уйбаан уонна Соноҕосчоон» испэктээкил оскуола бырагырааматынан, Арассыыйаҕа педагог уонна уһуйааччы сылын чэрчитинэн турда. Бары билэрбит курдук, нуучча суруйааччыта Петр Ершов «Бөкчөгөркөөн-Соноҕосчоон» остуоруйата аптаах дьоруойдарынан баай. Манна Саар-Көтөр, дьикти-сүүнэ Саалым Балык (Чудо-юдо рыба-кит), көмүс сиэллээх сылгылар уонна да атыттар бааллар. Айымньы төрүкү ис хоһооно киһини үөрэтэр дириҥ муударастаах уонна философиялаах буолан, хас биирдии көрөөччүнү үтүөҕэ-сырдыкка, куһаҕаны уонна мөкүнү өссө төгүл араара үөрэттэ диэтэхпитинэ, сыыспаппыт буолуо.

Ол курдук, испэктээкилтэн киһи астынара, кэрэхсии көрөрө элбэх буолла — аныгы ураты киэргэтиилэр, чаҕылхай өҥнөөх көстүүмнэр, кылабачыйа сылдьар декорациялар, астык тэтимнээх музыка, оҕону угуйар аптаах эйгэ уонна санааны көтөҕөр элэккэй юмор. Онон, «Уйбаан уонна Соноҕосчоон» чаҕылхай туруоруу олус сэргэх, кэрэхсэбиллээх буолан, саалаҕа мустубут оҕолор, учууталлар уонна төрөппүттэр бука бары сүргэлэрэ көтөҕүллэн, санаалара манньыйан тарҕастылар.

Маннык үтүө тэрээһини бэлэхтээн ааспыт тыйаатыр бары үлэһиттэригэр, чуолаан испэктээкили туруорбут маастардарга, туруорааччы режиссерга, СӨ култууратын туйгунугар Прасковья Павловаҕа, туруорааччы-худуоһунньукка, СӨ култууратын туйгунугар Мария Ивановаҕа, сүрүн оруолу толорооччу артыыстарга Лиза Далбараеваҕа (Соноҕосчоон) уонна Спартак Ларионовка (Уйбаан) махтал уонна хайҕал тылларын аныыбыт.

Үүнэр көлүөнэ тыйаатырын 32-с айар дьылыгар саҥа кэрэхсэбиллээх испэктээкиллэри уонна үгүс ситиһиилэри баҕарабыт!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -31°C
  • Ощущается: -31°Влажность: 61% Скорость ветра: 1 м/с

Сообщить об опечатке

Текст, который будет отправлен нашим редакторам: