Үүнэр көлүөнэ тыйаатыра “Алҕаа миигин, доҕорум…” испэктээккэ ыҥырар

Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай  дьайыы кыттыылаахтарын хорсун быһыыларын үйэтитэр сыалтан-соруктан “Алҕаа миигин, доҕорум…” испэктээги туруораары бэлэмнэнэр.

Арассыыйаҕа Норуоттар сомоҕолоһууларын сылынан  уонна Аҕа дойдуну көмүскээччи күнүн көрсө туруоруллар саҥа испэктээк  байыаннай дьайыы байыастарын  дьылҕаларын, бэйэ икки ардыгар доҕордуу сыһыаннарын, хорсун быһыыларын көрдөрөр. Туруоруу сүрүн санаата  —  норуот түмсүүтэ, төрүт үгэс,  дойдуга таптал, доҕордоһуу күүһэ уо.д.а.

Сүрүн оруоллары толоруохтара: СӨ үтүөлээх артыыһа Анна Флегонтова, Спартак Ларионов, Илья Яковлев, Кирилл Рожин, Ньургун Черов, Владислав Портнягин, Никита Соловьев.

“Туруорааччы режиссер” – РФ ускуустубатын үтүөлээх диэйэтэлэ Александр Титигиров, пьеса ааптара – Күндэли Нарынай Удьуора, туруорааччы худуоһунньук – Мария Иванова.

Буолар сирэ: Марк Жирков аатынан мусукаалынай кэллиэс.

(Үүнэр көлүөнэ тыйаатырын пресс-сулууспата)