Үүнэр көлүөнэ тыйаатыра оҕолорго саҥа испэктээкили көрдөрүөҕэ

Оҕо көмүскэлин күнүгэр – бэс ыйын 1 күнүгэр Үүнэр көлүөнэ тыйаатыра  “Ночь в кукольном театре” диэн остуоруйа-испэктээкили көрдөрүөҕэ.

Үүнэр көлүөнэ тыйаатырын “Тускул” оҕо музыкальнай-театральнай устуудьуйата сыл аайы үгэс курдук музыкальнай испэктээкили туруорар. Быйыл СӨ култууратын туйгуна Вера Ефремова салайааччылаах оҕо устуудьуйата сэбиэскэй композитор Лев Рыскин айымньытынан «Ночь в кукольном театре» диэн  музыкальнай испэктээкили көрдөрүөҕэ.

Режиссер – СӨ ускуустубатын үтүөлээх диэйэтэлэ Александр Титигиров, худуоһунньук – култуура туйгуна Прасковья Павлова, хормейстер – үөрэҕирии туйгуна Лариса Тароева, концертмейстер – үөрэҕирии туйгуна Ирина Захарова, хореограф – РФ үтүөлээх артыыһа, СӨ норуодунай артыыһа Афанасий Афанасьев.

Муусука доҕуһуоллаах остуоруйа эйгэтэ, оҕолор көрдөөх-нардаах оонньуулара, сонун уобарастар көрөөччүлэри сэргэхситиэхтэрэ.