Үүнэр көлүөнэ тыйаатыра үлэтин оскуоланы кытта ситимниир

Быйыл Култуура сылынан сибээстээн, өрөспүүбүлүкэ тыйаатырдарын үлэһиттэрэ араас хайысханан үлэлиири былааҥныыллар.

Бу күннэргэ СӨ Үүнэр көлүөнэ тыйаатырын салайааччыта Матрена Павлова, тыйаатыр кылаабынай режиссера Александр Титигиров, тыйаатыр кылаабынай  администратора Венера Корякина уонна СӨ үтүөлээх артыыһа  Марина Корнилова Дьокуускайга Михаил Николаев аатынан 40 №-дээх орто оскуола дириэктэрэ Галина  Николаеваны кытта  эбии үөрэхтээһин эйгэтигэр бииргэ үлэлээһин  боппуруостарын ырыттылар.

Биллэн турар, маннык бииргэ үлэлээһин оскуола оҕолоро сырдыкка, кэрэҕэ тардыһыыларыгар төһүү өйөбүлүнэн буолара саарбахтаммат.