Елена Потоцкая хаартыската.
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна бурдугу үүннэриигэ үчүгэй көрдөрүүлээҕин бэлиэтээтэ.
Кини эппитинэн, быйылгы сыл түмүгүнэн, үүт туттарыытын кээмэйэ 63000 туоннаҕа тиийэрэ күүтүллэр, бу кэлиҥҥи уонча сыллааҕы көрдөрүүттэн саамай үрдүк. 2016 сылтан маннык көрдөрүү суоҕа диэн бэлиэтиэххэ наада. Чуолаан, 15 сыл иһигэр быйыл туораахтаах култуураҕа, сиилэһи, сенаһы, уопсайынан сүөһү аһылыгын бэлэмнээһиҥҥэ үчүгэй көрдөрүүнү ситистибит диэн Ил Дархан кэпсээтэ.
«Аграрнай секторга олохтоох таһым боломуочуйалары биэрииттэн улахан тутулуктаахтар. Улуустарга, ханна дьаһалта баһылыктара сөптөөхтүк тыа хаһаайыстыбатын боппуруостарынан дьарыктаналлар да, үлэлэрин түмүктэр биллэрдик үчүгэй буолар. Тыа хаһаайыстыбата хаачыстыбалаах бородууксуйаны оҥорууга туһуланыахтаах. Үүтү туттаран субсидияны эрэ ылыыну буолбакка, бородууксуйатын оҥорон таһаарыы кээмэйин үрдэтэргэ дьулуһуохтаахтар. Төһө да бүддьүөт ыарахаттардааҕын үрдүнэн, кэлэр сылга сүрүн бэлиитикэни тутуһуохпут. Биллэн турар, хонтуруол баар буолуоҕа. Хонтуруоллуур уорганнартан уонна бырабыыталыстыба боломуочуйалаах уорганнарыттан сыыппаралар толоруллубаттарын уонна бу дьиҥнээх буолалларын кытаанахтык хонтуруолланыаҕа. Быйыл үүт бородууксуйатын оҥорон таһаарыыга улахан үүнүү көстөр. Былырыын ынах арыыта суох дииллэрэ, дьэ, быйыл оннук буолбатах», — диэтэ Айсен Николаев.
Түмүгэр Ил Дархан сайдыы саҥа түһүмэҕэр Саха сирин тыатын хаһаайыстыбата кэм ыарахаттарыгар бэриммэккэ уонна үүт бородууксуйаны оҥорон таһаарыаҕар эрэнэрин биллэрдэ.
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…