Хаартыска: СИА
Дьокуускайга 1300- чэкэ чэпчэки атлетиканы таптааччылар үгэс буолбут «ЗаБег.РФ» сүүрүү аахсыйатыгар кытыннылар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Аахсыйа олохтоох бириэмэнэн күнүс 15.00 чаастан Куруһаала атыы-эргиэн киинин инниттэн саҕаламмыта. 6 саастарыттан үөһэ саастаах эдэр кыттааччылар 1 километры, оттон улахан дьон 5, 10 уонна 21 км сүүрдүлэр. Дистанцията Аммосов, Ярославскай, Курашов, Октябрьскай уонна Ленин проспегын уулуссаларынан ааһара. Бу кэмҥэ суол сабыллыбыта, тырааныспарынан айан-сырыы тохтотуллубута.
Тэрийээччилэр бэлиэтииллэринэн, сыл аайы улахан успуорт тэрээһинигэр кыттыан баҕалаахтар элбээн иһэллэр. 2023 сылга 650 киһи сүүрбүт буоллаҕына, былырыын — 1,1 тыһыынча, быйыл — 1,3 тыһыынча кэриҥэ.
Кыттааччыларга футболкалары уонна нүөмэрдэри биэрбиттэрэ, финишка тиийбиттэргэ өйдөбүнньүк мэтээллэри, сэртипикээттэри туттардылар. Быйыл дойду үрдүнэн сүүрүүгэ 180 тыһыынча кэриҥэ киһи тахсара күүтүллэр.
Бүтүн Арассыыйатааҕы тутаах сыалтан» «ЗаБег.РФ» сүүрүү аахсыйата физическэй култууранан уонна успуордунан дьарыктанарга угуйуу, чөл олоҕу агитациялааһын, чэпчэки атлетиканы киэҥ эйгэҕэ тарҕатыы буолар.
Хабаровскайга норуоттар икки ардыларынааҕы күрэхтэһии Василий Ощепков аатынан «Russian judo tour» турнир дзюдоҕа биир түһүмэҕэ…
Ньурба оройуоннааҕы суута «Якутскэнерго» ПАУо этиитинэн, олохтоох киһиттэн 135 772 солк. суумалаах төлөбүрдээх уоту счетчига…
Өймөкөөн улууһугар 1992 с. бастакы баһылыгынан Трифонов Анатолий Георгиевич ананан кэлбитэ. Депутатскай ГОК сүрүн инженеринэн…
Сахалар киэһэтин лыгыччы ынах эттээх күөс өрүнэн иһэрбитин сөбүлүүбүт. Ол эрээри, кэлин аһылыкка сыһыан, ирдэбил…
Мин даҕаны, бааттаах оҕонньор буолан биэрдим. Даачабыт маҕаһыыныттан килиэп, сиэннэрбэр бытыылкалаах кыбаас атыылаһан, килэйбит-халайбыт үрдүк…
СӨ Ыччат дьыалатыгар уонна социальнай коммуникацияларга миниистирэ Петр Шамаев ыарахан бааһырыытын кэннэ, Дьокуускайга реабилитацияҕа төрөөбүт куоратыгар төнүннэ. СИА…