Саха сиригэр байыаннай эпэрээссийэ кыттыылаахтарын дьиэ кэргэттэрин өйүүр миэрэлэргэ “Забота” саҥа сервис үлэлээтэ.
Сервис анал байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр билиҥҥи миэрэлэри түмэр уонна өрөспүүбүлүкэ Ил Дархана Айсен Николаев сорудаҕынан ылынылар миэрэлэринэн ситэриллэн иһэр.
Ахсынньы 16 күнүгэр e-yakutia судаарыстыбаннай уонна муниципальнай өҥөлөр эрэгийиэннээҕи порталларыгар ”Забота” байыаннай сулууспалаах дьиэ кэргэнин пааспара” саҥа сервис үлэлээбитэ.
“Сервис икки компонентан турар. Бастакыта – интерактивнай “Байыаннай сулууспалаах дьиэ кэргэнин өйүүр миэрэлэргэ көмөлөһөөччү” диэн, кини дьиэ кэргэнэ туох көмөнү ылыан сөбүн туһунан судургу көрүҥүнэн билэр”, — диэтэ МФЦ Саха Өрөспүүбүлүкэтигэр салайааччыта Таисия Батуева.
Өйөбүл сорох миэрэлэринэн ону ыларга сөптөөх сирэйгэ киириэххэ сөп. Иккис компонент хас да ыйытыылаах “опросниктан” турар, ол көмөтүнэн өйөбүл атын миэрэлэригэр туохха эбии наадыйалларын чопчулуохтара. Онон ыйытыыга хоруйдаан, дьон байыаннай сулууспалаахтар дьиэ кэргэттэригэр эбии миэрэлэри тобуларга көҕүлүүллэр.
“Билигин сервис байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр араас 58 миэрэни түмэр”, — диэн кини бэлиэтээтэ. ”Забота” байыаннай сулууспалаах дьиэ кэргэнин пааспара” сервиһинэн туһанарга Госөҥөнөн e-yakutia.ru порталга киириллэр.
Сервис портал сүрүн сирэйигэр (страницатыгар) баннерга баар. “Эбэтэр сервиһи “Помощник” уонна “Забота” диэн тутаах тылларынан көрдөөн булуохха сөп”, — диэн “Мин докумуоннарым” киин салайааччыта иһитиннэрдэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…