Хаартыска: pxhere саайтан
Суут ИДЬМ-тан табыллыбатах уоппуска иһин хоромньуну төлөттө.
Дьокуускай куораттааҕы суукка куорат олохтооҕо СӨ Ис дьыала министиэристибэтиттэн хоромньуну төлөтөр туһунан ирдэһиини киллэрбит.
Ирдэһиигэ дьахтар 2024 сыл алтынньытыгар дьиэ кэргэнин кытта Таилаҥҥа уоппускаларын атаарарга былааннаммыттарын туһунан ыйбыт. Ол гынан баран Иркутскайга пааспар хонтуруолун кэмигэр, кини аччыгый саастаах уолун пааспарыгар сыыһа баара булуллубут. Оҕо эр киһи диэн суруллуохтааҕын оннугар дьахтар диэн суруллубут, пааспарын пограничниктар тутан ылбыттар, онон дьахтар уолун кытта Иркутскайга хааларга күһэллибит. Дьиэ кэргэн атын чилиэннэрэ сынньана көппүттэрэ. Биэс хонон баран кини көрдөһүүтүнэн саҥа пааспардары биэрбиттэр, дьахтар Бангкокка диэри саҥа авиабилиэттэри атыыласпыт, Иркутскай гостиницатыгар олорон эбии ороскуотурбут. Кини эппиэттээччиттэн 293 102 солкуобай материальнай хоромньуну төлүүргэ, 30 000 солк. моральнай хоромньуну толуйарга, 9 793 солкуобайы судаарыстыба төлөбүрүгэр уонна 3 800 солк. бэрэстэбиитэлгэ дэбиэринэс оҥорторбут ороскуотун төлөтөллөрүгэр көрдөспүт.
Суут мунньаҕар РФ ИДьМ, СӨ ИДьМ эппиэттээччилэрин бэрэстэбиитэлэ ирдэһиини кытта сөбүлэспэтэх уонна аккаастыылларыгар көрдөспүт.
Ирдэһээччи 2025 сыл сааһыгар СӨ Ис дьыала министиэристибэтигэр хоромньубун толуйуҥ диэн көрдөһөн, ирдэһии киллэрбит. Онно ирдэһии көрүлүннэ уонна сыыһаны таһаарбыт дуоһунастаах киһиэхэ бэрэбиэркэ ыытыллыбытын туһунан иһитиннэрбиттэр. СӨ ИДьМ миграция управлениета ирдэһээччиттэн бырастыы гыннарбыт уонна материальнай хоромньуну толуйуу боппуруоһун сууттан ыйытарын сүбэлээбит.
Cуут ирдэһиини сороҕун толорбут, ол курдук Иркутск-Бангкок маршрутунан саҥа авиабилиэттэри атыылаһыы сыанатын эппиэттээччи төлүүр эбээһинэһэ суоҕун, арай бырааба кэһиллибитинэн хоромньуну төлүөхтээҕин быһаарбыт. Онон туһаныллыбатах уонна саҥаттан ылыллыбыт билиэттэр сыаналарын араастаһыыта эрэ төлөнүөхтээх.
Дьокуускай куораттааҕы суут ирдэһии сорҕотун толорон, РФ Хааһынатын суотуттан РФ ИДьМ-тан 161044, 00 солк. хоромньуну, 10000 солк. моральнай хоромньу толугун, 5831 солк. судаарыстыба төлөбүрүн ороскуотун көрдөөбүт.
Эппиэттээччи суут бастакы инстанциятын быһаарыытын кытта сөбүлэспэтэх итиэннэ утары үҥсүү түһэрбит.
СӨ Үрдүкү Суутун гражданскай дьыалаларга коллегията, дьыала матырыйаалларын уонна утары үҥсүү дакаастабылларын көрөн баран, суут быһаарыытын мэһэйдиир туох да төрүөтү булбата. Быһаарыы сокуоннай күүһүгэр киирдэ, диэн иһитиннэрэр СӨ Үрдүкү Суутун пресс-сулууспата.
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…
Бэрэбиэркэ хамнаһы, уоппусканы уонна бүтэһиктээх төлөбүрү төлүүргэ хойутатыы тахсыбытын, үлэ харыстабылын салайар систиэмэни оҥоруу уонна…
Алдан оройуонун Аллараа Кураанах бөһүөлэгин баһылыга Александр Усенко байыаннай дьайыы кыттыылааҕын аҕатын Хикмет Искандеровы кытта…