Ааптар түһэриитэ.
Ыам ыйын 31 күнүгэр Дьокуускайдааҕы ЗАГС управлениетыгар Медиатор кэбиниэтэ аһылынна. Ол аата тугуй, кимнээххэ көмөлөһөр сыаллааҕый?
Медиатор — мөккүөрү, этиһиини, өйдөспөт буолууну эйэ-дэмнээхтик быһаарар исписэлиис. ЗАГС управлениетыгар мантан ыла арахсарга сайабылыанньа суруйа кэлбит дьону кытта анал үөрэхтээх медиатордар үлэлиэхтэрэ.
Медиация уонна психологическай көмө кэбиниэтигэр медиатордары куонкурус быһыытынан талан ылбыттара. Бүгүн кинилэри кытта илии баттастылар. Медиатордар Березкина Анна Дмитриевна, Замятина Туйаара Алексеевна, Иванова Долгуяна Николаевна, Корнилова Екатерина Ивановна бу кэбиниэккэ үлэлиэхтэрэ.
— Бүгүн куонкурус түмүгүнэн талан ылбыт медиатордарбытын кытта илии баттастыбыт. Медиация эйгэтигэр анал үөрэхтээх исписэлиистэри, бастыҥнартан бастыҥнары талан ылбыппыт. Бу тэрээһиммит Дьиэ кэргэн сылыгар ананар. Бу арахсыыны утары үлэ буолар. Кыыһырсан баран, тута арахсабыт диэн кэлэр дьон баар. Оҕолоро, уопсай баайдара суох буолаллар, онон биһиэхэ кэлэллэр. Бу мантан атыттар суутунан арахсаллар. Былырыын бу категориянан 430 киһи арахсыбыта. Биллэн турар, федеральнай сокуон ирдэбилинэн, биир ыйы толкуйдуурга биэрэбит. Бу кэмҥэ кинилэри кытта медиатордар үлэлиэхтэрэ. Өссө ыччаты, дьиэ кэргэттэри уйулҕа өттүнэн өйүүр киин психологтара эмиэ үлэлэһиэхтэрэ. Онон арахсыы ахсаана аҕыйыа диэн эрэнэбит, — диэн ЗАГС управлениетын салайааччы Дария Слепцова кэпсээтэ.
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…