Захар Никитин: «Эрэгийиэҥҥэ креативнай индустрияҕа элбэх үлэ ыытыллар»
Бэс ыйын 18 күнүгэр РФ бэрэсидьиэнэ Владимир Путин Саха сиригэр оробуочай сырыытынан кэлэн барда. Дойду баһылыга Саха сирин ИТ-эйгэтин уонна креативнай салааларын сайдыыларын, инники былааннарын көрдө-иһиттэ, сыаналаабыта.
А.Д. Макарова аатынан Саха сиринээҕи култуура уонна искусство кэллиэһин дириэктэрэ, Ил Түмэн дьокутаата Захар Никитин эрэгийиэҥҥэ киинэ павильонун тутуутун, креативнай индустрия сайдыытын туһунан Владимир Путин Саха сиригэр сырыытн кэнниттэн санаатын үллэһиннэ:
— Сотору кэминэн Саха сиригэр киинэ павильона тутуллуохтаах. Бу киинэни хайдах баҕарар устан таһарар, Уһук Илиҥҥэ, Арассыыйаҕа биир бөдөҥ, улахан кыамталаах павильон буолуохтаах. Билигин эрэгийиэҥҥэ креативнай индустрия өттүнэн олус элбэх үлэ ыытыллар. Холобур, биһиги үөрэхпит кыһата ааспыт үөрэх дьылыгар «Арассыыйаҕа толкуйдаммыт» диэн бырагыраамаҕа кыттан, креативнай сайдыы оскуолатын арыйбыппыт. Манна биһиги 100 оскуола саастаах оҕону босхо үөрэтэбит.
Сообщить об опечатке
Текст, который будет отправлен нашим редакторам: