СӨ ситэриилээх былааһын ааспыт сыллааҕы отчуота Өлүөхүмэ улууһугар салҕанар. Бастакы бөлөх үһүс күн Троицкай, Заречнай, Үҥкүр сэлиэнньэлэригэр сылдьан отчуоттаата.
Урутаан эттэххэ, Заречнайга “Сахам сирэ 21 үйэҕэ” үтүө дьыала хамсааһын иитинэн 60 миэстэлээх оскуола тутулла турар. Кыраапык быһыытынан быйыл үлэҕэ киирэхтээх. Бытаарыы тахсан, бэдэрээтчитин уларыппыттар. Онон аны күһүн үлэҕэ киирэригэр эрэнэллэр. Тустаах оскуолаҕа төрдүс кылаастан троицкайдар оҕолоро эмиэ кэлэн үөрэнэллэр, тутуу түргэнник түмүктэнэригэр кинилэр эмиэ интэриэстээхтэр.
Отчуот иитинэн Нюргуна Соколова Заречнайга тутулла турар оскуоланы көрдө- иһиттэ.
“Оскуолалары тутууга сыҕарыйыы баар. Заречнай бөһүөлэгин оскуолатын тутуута быйыл түмүктэнэригэр эрэнэбит. Салгыы былырыын сыбаайата түспүт Чапаево оскуолатын тутуута барар, 2026 сылга үлэҕэ киириэхтээх. Уонна биллэн турар, быйылгыттан бырабыыталыстыбаны, норуот дьокутааттарын кытта Саҥыйахтаах оскуолатын боппуруоһунан үлэлэһиэхпит. Бырайыактыыр-симиэтэлиир докумуона, уочарата, суһала даҕаны оннуттан сыҕарыйарыгар көмөлөһөр”, — диэн миниистир эттэ. Итиэннэ тутуу ыытыллыытыгар нэһилиэнньэ өртүттэн норуодунай хонтуруол ирдэнэрин иһитиннэрдэ. Мантан тутуу кэмигэр үлэҕэ киирэрэ, иһитиннэрии тиийэрэ быһаччы тутулуктаах диэн ыйда. Заречнай оскуолатын тутуутун кэнниттэн эрэ атын тутуулар хамсааһыннара барарынан, атын нэһилиэктэр эмиэ кэтэһэллэрин эттэ.
Олохтоохтор отчуот кэмигэр туруорбут ыйытыыларыттан, этиилэриттэн көстөрүнэн, билигин ордук мэдиссиинэ өртө долгутар эбит. Ол курдук, аптека, сытар балыыһа, нолуок, маҕаһыын, сайыҥҥы уу ситимэ, успуорт саалатын тутуу, суолу оҥоруу, сөмөлүөтүнэн, уунан тырааныспарка субсидия боппуруостарын туһунан ыйыттылар. Тустаах ыйытыыларга хоруйдууругар: “Эминэн хааччыйыы бу эрэ нэһилиэккэ турбата, онон миэстэтигэр үлэлэһэр ирдэнэр”,– диэн Нюргуна Соколова улуустааҕы киин балыыһа бэрэстэбиитэлигэр эттэ.
Ыйытыыларга барытыгар быһаарыллар таһымыттан көрөн отчуоттуур бөлөх, дьокутаат, улуус, нэһилиэк баһылыктара сиһилии хоруйдаатылар.
Бүгүн бөлөх Өлүөхүмэ куоракка үлэлиир, биирдиилээн дьону кытта көрсөр, түмүк отчуоту ыытар.
81 саастаах Пелагея Петровна Семенова ыраах диэбэккэ, Хаҥалас Нөмүгүтүттэн айаннаан кэлэн, Нерюнгригэ Олоҥхо ыһыаҕар кытта…
Сайыҥҥы кэмҥэ, Саха сирин нэһилиэнньэлээх пууннарыгар, геологическай баазаларга, дьон сынньанар сиригэр, сыбаалкаларга уо.д.а., хагдаҥ эһэлэр…
От ыйын 4 күнүттэн Дьокуускайга Норуоттар икки ардыларынааҕы VIII киинэ бэстибээлэ саҕаланна. Бэстибээлгэ Арассыыйа уонна…
Бу күннэргэ байыаннай дьайыыга кытта сылдьар Кэбээйи улууһун баһылыга, «Боотур» этэрээт хамандыыра Иван Левин дойдутугар…
Бэҕэһээ СӨ экологияҕа, айылҕаны туһаныыга уонна ойуур хаһаайыстыбатын миниистирэ Евгений Перфильев “Зеленые пионеры” IX өрөспүүбүлүкэтээҕи…
Олоҥхо ыһыаҕар маастардар түһүлгэлэрэ аһылынна. Өрөспүүбүлүкэ бары улуустарыттан норуот маастардара оҥоһуктарын көрдөрүүгэ туруордулар. Чурапчы улууһуттан…