Хаартыска "Үлэ күүһэ" хаһыаттан, Горнай.
Бүтүн Арассыыйатааҕы «Зарница 2.0» байыаннай-патриотическай оонньуу эрэгийиэннээҕи түһүмэҕэ Бэрдьигэстээххэ саҕаланна.
«Зарница 2.0» оонньуу «Движение первых» оҕолор уонна ыччаттар Бүтүн Арассыыйатааҕы уопсастыбаннай-судаарыстыбаннай хамсааһыннарын өйөбүлүнэн ыытыллар. Бастыыр иһин өрөспүүбүлүкэ 15 оройуонуттан уонна Дьокуускай куораттан барыта 21 хамаанда күөн көрсөр. Уопсайа 300 үөрэнээччи «Зарница 2.0» оонньуу тургутан көрүүлэрдээх саҥа көрүҥнэригэр холонуо. Түһүмэхтэр кыра, орто уонна үрдүкү кылаастарга тус-туһунаннар«, — диэн этэр СӨ Бырабыыталыстыбатын Бэрэссэдээтэлин солбуйааччы Ольга Балабкина.
Оҕолор стройдаан хаамары таһынан, араас мэһэйдэри сатабыллаахтык туоруурга, о.д.а. күрэхтэһиэхтэрэ. Хамандыырдарга эмиэ туһунан күрэс ыытыллар.
Кыттааччылар байыаннай устуоруйаны төһө билэллэрин, сатабылларын, түргэн-тарҕан туттунуулаахтарын көрдөрүөхтэрэ диэн «Зарница 2.0» оонньууну тэрийээччилэр этэллэр. Оттон кыайыылаах хамаанда Саха сирин чиэһин бэс ыйыгар Хабаровскайга көмүскүөхтээх.
Санатар буоллахха, «Движение первых» хамсааһын РФ Бэрэсидьиэнэ В.Путин дьаһалынан 2022 сыллаахха тэриллибитэ. Хамсааһын оҕолор бары өттүнэн сайдыылаах, билиилээх-көрүүлээх буолалларыгар көмөлөһөр соруктаах. Ил Дархан Айсен Николаев бэлиэтээбитинэн, «Движение первых» тэрээһиннэригэр өрөспүүбүлүкэҕэ оҕолору, ыччаттары тардыы көрдөрүүтэ 26% куоһарыллыбыт.
СӨ Ил Дарханын уонна Бырабыыталыстыбатын пресс-сулууспата
Хаартыска Горнай улууһун «Үлэ күүһэ» хаһыатыттан
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…