«Зарница 2.0» Уһук Илин оҕолорун түмэр

Саха сирин оҕолоро бэҕэһээ Уһук Илин эрэгийиэннэригэр аналлаах «Зарница 2.0» байыаннай-патриотическай оонньуу уокуруктааҕы түһүмэҕэр Хабаровскайга кытта бардылар диэн Ыччат министиэристибэтэ иһитиннэрэр.

«Зарница 2.0» күрэхтэһиигэ Саха сириттэн икки: бастакы хамаанда – Уус Алдан улууһуттан, иккис – Амматтан, Чурапчыттан, Горнайтан уонна Дьокуускайтан сүүмэрдэммит хамаанда кыттыаҕа.

Бу Уһук Илиҥҥи уокурукка күрэхтэһии түһүмэҕэ Бүтүн Арассыыйатааҕы күрэхтэһиигэ кыттарга талыы түһүмэҕинэн буолуоҕа.

Санатан эттэххэ, «Зарница 2.0» эрэгийиэннээҕи түһүмэҕэ муус устар ыйга Горнай улууһун Бэрдьигэстээҕэр ыытыллыбыта. Онно өрөспүүбүлүкэттэн 21 хамаанда оҕолоро үс күн устата 10 түһүмэххэ күрэхтэспиттэрэ.