Хаартыска: sakha.gov.ru
«Защитники Отечества» судаарыстыбаннай пуонда Саха сиринээҕи филиала анал байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр, бойобуой дьайыылар бэтэрээннэригэр өйөбүл дьаһалларын ыытыы үлэтин салгыыр.
«Филиал социальнай координатордара байыаннай сулууспаттан төннүбүт уонна анал байыаннай дьайыы кыттыылаахтарын дьиэ кэргэттэрин чилиэннэрин, 1200-тэн тахса дьону, бары өттүнэн көмөнү оҥорууну салгыы ыытар. Үс ый иһигэр 200-тэн тахса кыттааччы дьиэтигэр сырыттылар», — диэн кулун тутар 26 күнүгэр брифиҥҥэ «Защитники Отечества» судаарыстыбаннай пуонда филиалын салайааччыта Алексей Александров бэлиэтээтэ.
Кини иһитиннэриитинэн, тохсунньу-кулун тутар ыйдарга пуонда филиала 1300-тэн тахса гражданнарга консультация тэрийэн ыытта, 5300-тан тахса ыйытык киирбититтэн, 90 %-тан тахса быһаарылынна.
Саамай элбэх ыйытык бэтэрээн дастабырыанньатын оҥотторуу уонна ылыы, социальнай өйөбүл, харчынан төлөбүрдэри анааһын боппуруостарыгар киирэр.
Быйыл мэдиссиинэ боппуруостарыгар пуонда филиалыгар 600-чэкэ ыйытык киирбит. Ол курдук, 60-тан тахса байыаннай дьайыы кыттылаахтарынан мэдиссиинэ реабилитациялааһынын ыытыыга, 155 байыаннай дьайыы кыттыылаахтарыгар уонна кинилэр дьиэ кэргэттэригэр мэдиссиинэ көмөтө оҥоһулунна. Санаторнай-курортнай эмтэнии өҥөтүнэн 31 гражданин туһанна, ол иһигэр 4 бойобуой дьайыы бэтэрээнэ, он таһынан уһулҕа көннөрүү көмөтө 327 киһиэхэ ыытылынна.
Инбэлииттэргэ федеральнай испииһэккэ киирбэтэх тиэхиньиичэскэй реабилитациялааһыҥҥа хааччыйыытын үлэтэ эмиэ ыытыллар. Маннык үбүнэн-харчынан салгыы 23 байыаннай дьайыы кыттыылаахтарын хааччыйыы былааннанар. Инновационнай технологиялар уонна ортопедия кииннэригэр протезтааһыҥҥа 17 сайаапка оҥоһулунна. Бу кэмҥэ Калуга куоракка 2 бойобуой дьайыы бэтэрээнэ протезтарын туттулар. Кинилэргэ босхо айан-сырыы, олоруу уонна протезтааһын үбэ-харчыта көрүлүннэ.
Олорор дьиэнэн хааччыйыыга 13 бэтэрээҥҥэ көмө оҥоһуллар. Саха сирин улуустарынан уонна Дьокуускайга куоракка олорор дьиэлэри бэрэбиэркэлиир хамыыһыйа 9 көһө сылдьар хамыыһыйата ыытылынна.
Санатан эттэххэ, пуонда филиала Дьокуускай куорат, Ойуунускай уулусса, 41/1 дьиэтигэр баар. Билсэр төл.: 506-506.
СӨ Ил Дарханын уонна Бырабыыталыстыбатын пресс-сулууспата
Бүгүн, ыам ыйын 21 күнүгэр, өрөспүүбүлүкэ арҕаа, соҕуруулуу-арҕаа, соҕуруу улуустарыгар сөҥүүлээх, сөкүүндэҕэ 15-20 миэтэрэ түргэннээх…
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…