Бүгүн, сэтинньи 26 күнүгэр, «Защитники Отечества» пуондаҕа Аҕа дойдуну көмүскүүр буойуттар дьиэ кэргэттэрин кэмитиэтин салайааччыта Юлия Белехова ыалдьыттаата.
Кини «Защитники Отечества » пуонда үлэтин-хамнаһын кытта билистэ. Судаарыстыбаннай пуонда филиалын салайааччыта Алексей Александров пуонда үлэтин-хамнаһын сиһилии кэпсээтэ, барытын кэритэн көрдөрдө:
-Биһиги бары улуустары кытта үлэлэһэргэ дьулуһабыт. Билиҥҥи туругунан улуустарга 22 социальнай координатор үлэлиир. Арай арктическай оройуоннары кытта дьаһалта нөҥүө сибээстэһэн үлэ ыытабыт. Ону сэргэ уопсастыбаннай тэрилтэлэри кытта ыкса үлэлэһэбит, — диэн эттэ.
Бэлиэтээн суруйдахха, Юлия Белехова Саха сиригэр оробуочай сырыынан кэлэ сылдьар. Кини пуонда Саха сиринээҕи филиалын үлэтин сэргээтэ, хайҕаата:
— Олус элбэх үлэни ыыта олорор эбиккит. Саамай сүрүнэ — дьон туһугар кыһамньы буолар. Хас биирдии киһи кыһалҕатын, соруктарын быһаарыы сүрүн үлэ буолар. Ардыгар кыһалҕалаах дьон ханна тиийэллэрин да билбэт буолаллар. Онуоха юристар үлэлэһэллэр эбит, волонтердар түмсүүлэрэ эмиэ олус тэрээһиннээх үлэлэри оҥорор эбит, — диэн бэлиэтээтэ.
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…