Хаартыска: sakha.gov.ru
«Защитники Отечества» судаарыстыбаннай пуонда филиала Саха сиригэр бойобуой дьайыылар бэтэрээннэригэр уонна байыаннай дьайыы кыттыылаахтарын дьиэ кэргэттэригэр босхо юридическай көмөнү оҥорор үлэни салгыыр.
Пуонда филиала СӨ Борокуратууратын, СӨ Киһи быраабын боломуочунайын, СӨ суут приставтарын федеральнай сулууспатын, СӨ нотариальнай балаататын уонна Арассыыйа юристарын Ассоциациятын Саха сиринээҕи региональнай отделын кытары кытта босхо юридическай көмөнү оҥорууга сөбүлэһиилэри түһэрсибитэ.
«Үгүстүк бэтэрээннэр ыстаатыстарын туоһулуур докумуоннары бигэргэтиигэ, дьиэни-уоту ылыыга, байыаннай сулууспалаахтары демобилизациялааһын боппуруостарыгар көмө оҥоһуллаллар. Пуонда филиала 2023 сыл бэс ыйын 1 күнүттэн үлэлиэҕиттэн босхо юридическай көмө 300-тэн тахса киһиэхэ оҥоһулунна», – диэн «Защитники Отечества» судаарыстыбаннай пуонда быраап боппуруостарыгар салайааччыны солбуйааччы Александр Захаров бэлиэтээтэ.
2024 сыл тохсунньутуттан пуонда филиалыгар 160-тэн тахса гражданин көмөнөн, ол иһигэр адвокат өҥөтүнэн 130- тан тахса киһи туһаммыт.
Санатан эттэххэ, судаарыстыбаннай пуонда филиалыгар дьону кытта көрүсүһүүлэри ый ахсын иккис оптуорунньугар уонна төрдүс бээтинсэтигэр СӨ Борокуратууратын бэрэстэбиитэллэрэ, нэдиэлэ ахсын бэнидиэнньиккэ уонна сэрэдэҕэ адвокаттар, оттон ыйга биирдэ СӨ Киһи быраабыгар боломуочунайа тэрийэн ыытыахтара.
Босхо юридическай көмөнү туһаныыга байыаннай дьайыы кыттыылаахтара уонна кинилэр дьиэ кэргэттэрэ филиал социальнай координатордарын нөҥүө сурутуохтарын сөп. Судаарыстыбаннай пуонда филиала Дьокуускай к., Ойуунускай уулуссата, 41/1 дь. аадырыска баар. Билсэр төл.: 506-506.
СӨ Ил Дарханын уонна Бырабыыталыстыбатын пресс-сулууспата
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…