Хаартыска: sakhagov.ru
От ыйын 7 күнүгэр «Сосновый Бор» оҕо сынньанар-чэбдигирэр киинин сайыҥҥы «Кэскил» лааҕырыгар «Планетаны харыстааҥ!» симиэнэ сабыллыыта уонна IX «Зеленые пионеры Якутии» өрөспүүбүлүкэтээҕи сүлүөт түмүктэннэ. Бу туһунан Экология, айылҕаны туһаныы, ойуур хаһаайыстыбатын министиэристибэтэ иһитиннэрэр.
Үс нэдиэлэ устата өрөспүүбүлүкэ 20 оройуонуттан 120 оҕо экология хайысхатынан кытынна. Айылҕа харыстабылыгар үөрэтэр оонньуулар, лиэксийэлэр, маастар-кылаастар тэрилиннилэр, ону Экология министиэристибэтин исписэлиистэрэ уонна уопсастыбаннай экологтар ыыттылар. Экологическай бырайыактар өрөспүүбүлүкэтээҕи куонкурустара уонна анал байыаннай эпэрээссийэҕэ кыттыылаахтарыгар анаан «Байыаска бэлэх» диэн илиинэн оҥоһуктары уонна хаттаан туһаныллыбыт матырыйаалтан оҥоһуктары оҥоруу күрэҕэ ыытылынна.
Миниистири солбуйааччы уонна байыаннай дьайыы кыттыылааҕа Лука Сафонов оҕолорго анаан тыл эттэ.
“Биһиги эдэр экологтарбыт, инникитин ылбыт билиигитигэр хайаан да туһаны булуоххут уонна өрөспүүбүлүкэ экологтарын кэккэтигэр киириэххит диэн эрэнэбин. Биһиги сотору кэминэн анал байыаннай эпэрээссийэ зонатыгар баар байыастарбытыгар “Байыаска бэлэх” диэн бэртээхэй оҥоһуктаргытын тиэрдиэхпит. Саха сирин экологиятын харыстааһыҥҥа инники күөҥҥэ сылдьыҥ уонна оҕолорбутугар холобур буолуҥ”, — диэтэ Лука Сафонов.
“Движение первых” улуустааҕы салаатын дириэктэрэ Оксана Михайлова уонна лааҕыр салайааччыта Любовь Павлова оҕолорго үтүө дьыалаларыгар махтал, өйөбүл тылларын эттилэр.
Түмүктүүр бэлиэ түгэнинэн айылҕа харыстабылын куонкурустарын кыайыылаахтарыгар уонна призердарыгар дипломнары туттарыы буолла. Министиэристибэ кылаабынай исписэлииһэ Ньургуйаана Буслаева бэлиэтээбитинэн, кыайыылаахтары быһаарарга смена кыттыылаахтарыгар билиини олоххо туһаныыга уонна экологическай толкуйу сайыннарыыга ураты болҕомто уурулунна.
Чурапчы улууһугар “Дойдуну көмүскээччилэр” пуонда Саха сиринээҕи салаатын социальнай сүрүннээччитин көҕүлээһининэн Арассыыйа Дьоруойа, батальон хамандыыра,…
Атырдьах ыйын 25 күнэ. Дойду РФ Бэрэсидьиэнэ Владимирович Путин ыйааҕынан Саха сириттэн Герман Степанович уонна…
Дьокуускайга Филиппины Өрөспүүбүлүкэтиттэн клининговай өҥөнү оҥорор салааҕа саһа сылдьан үлэлиир 23 гражданины туттулар. Бу туһунан…
Удачнай куорат борокуратуурата быһаарбытынан, оскуола иннинээҕи саастаах оҕолор биир тэрилтэтигэр доруобуйатынан хааччахтаах оҕо төрөппүттэриттэн сокуону…
Владивосток куоракка ыытыллар үбүлүөйдээх онус Илиҥҥи экэнэмиичэскэй пуорум иитинэн «Улица Дальнего Востока» быыстапка аһылынна. Саха…
"Биһиги аҕаларбыт уонна эһээлэрбит 80 сыл анараа өттүгэр киһи аймах устуоруйатыгар саамай алдьатыылаах сэриигэ бүтэһиктээх…