Хаартыска: yk24.ru
РФ Доруобуйаҕа харыстабылын министиэристибэтигэр «Земскэй быраас» уонна «Земскэй биэлсэр» бырагыраамалар чэрчитинэн аныыр төлөбүрдэригэр миэдик идэлээх исписэлиистэрин испииһэктэрин кэҥэттэ. Туһааннаах бирикээс «Медвестник» порталга таҕыста.
Докумуоҥҥа үрдүк миэдик үөрэхтээх, ону сэргэ орто үөрэхтээх исписэлиистэр киирдилэр. Ол курдук, билигин ити төлөбүрдэри остеопаттар, эпидемиологтар уонна психиатр-нарколог быраастар эрэ буолбакка, мэдиссиинэ сиэстэрэлэрэ эмиэ киириэхтэрэ.
Саҥардыллыбыт испииһэккэ киирдилэр:
— аллерголог-иммунолог,
— оҕо онколога-гематолога,
— оҕо психиатра (ол иһигэр учаастактааҕы быраас),
— оҕо терапева,
— стоматолог-ортопед,
— сүрэх-тымыр ыарыыларын хирура,
— торакальнай хирург,
— физическэй уонна реабилитациялыыр мэдиссиинэ бырааһа,
— быраас уопсай быраактыкатын сиэстэрэтэ,
— процедурнай сиэстэрэ.
Санаттахха, урут бу испииһэк 2021 сыллаахха РФ Доруобуйа харыстабылын министиэристибэтин бирикээһинэн бигэргэммитэ. Бу докумуон дьайыыта саҥа күүһүгэр киирбит уларыйыыларынан тохтуур.
Биир кэмнээх төлөбүрүнэн 50 тыһ. тахса нэһилиэнньэлээх куораттарга уонна бөһүөлэктэргэ үлэлиир мэдиссиинэ үлэһиттэрэ туһаналлар. Ону таһынан мэдиссиинэ үөрэҕин бүтэрбит выпускниктар бэйэлэрин дойдуларыгар кырата биэс сыл үлэлииргэ быһаарыммыттарга ананар.
Биир кэмнээх төлөбүр кээмэйэ быраастарга 1 мөл. солк., биэлсэрдэргэ 500 тыһ. солк. Уһук Илин уокурук, Уһук Хоту сир эрэгийиэннэригэр 2 мөл. солк., оттон Арктика зонатын оройуоннарыгар 1 мөл. солк. тэҥнэһэр. Быйыл олунньуга дойду Бэрэсидьиэнэ Владимир Путин быһаарыытынан, «Земскэй быраас» уонна «Земскэй биэлсэр» бырагыраамалар 2030 сылга диэри уһатыллан биэрбиттэрэ.
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…