Мария Васильева хаартыската, ЯСИА.
Быйыл “Земскэй быраас” уонна “Земскэй биэлсэр” бырагыраамаларынан Саха сирин бары улуустарыгар кэриэтэ 149 исписэлиис үлэлии тиийиэҕэ: 122 быраас уонна 27 биэлсэр. Итинтэн 15 бырааһы уонна икки биэлсэри кыра куораттарга ыытар былааннаахтар.
СӨ Ил Дархана Айсен Николаев өрөспүүбүлүкэ сэлиэнньэлэригэр, куораттыы тииптээх бөһүөлэктэригэр уонна кыра куораттарга мэдиссиинэ каадырдарын сыһыарарга “Земскэй быраас” уонна “Земскэй биэлсэр” бырагыраамалар үтүө түмүктээхтэрин бэлиэтээн турар. Былырыын тустаах бырагымаанан 68 быраас уонна 38 биэлсэр туһаммыта, ол иһигэр Арктика улуустарыгар 12 быраас уонна 10 биэлсэр үлэлии барбыта.
“2023 сыл муус устар 1 күнүнээҕи туругунан, “Земскэй быраас/Земскэй биэлсэр” федеральнай бырагыраамаларынан 8 бырааһы уонна 1 биэлсэри үлэҕэ сыһыардыбыт. Ол курдук учаастактааҕы терпевтар Үөһээ Бүлүү, Аллараа Халыма, Хаҥалас, Ленскэй улуустааҕы киин балыыһаларыгар үлэлии бардылар. Үөһээ Халыма балыыһатыгар — психиатры, Ленскэйгэ – хируру, Мииринэйгэ – анестезиолог-реаниматолог бырааһы, Айхалга – харах бырааһын. «Суһал көмө» биэлсэрэ Анаабыр улууһугар үлэлиэҕэ”, — диэн СӨ Доруобуйа харыстабылын министиэристибэтин судаарыстыбаннай сулууспаҕа, каадыр, хоруупсуйаны утары бэлиитикэҕэ уонна наҕараадаҕа салаатын салайааччыта Степан Грязнухин иһитиннэрдэ.
Тустаах бырагырааманан үлэлии барбыт исписэлиистэргэ биир кэмнээх төлөбүр көрүллэр. Санатан эттэххэ, “Земскэй быраас” бырагырааманан төлөбүр сэлиэнньэлэргэ уонна куораттыы тииптээх бөһүөлэктэргэ үлэлии барбыт быраастарга 2 мөл. солк., биэлсэрдэргэ 1 мөл. солк. тэҥнэһэр.
50 тыһ. диэри нэһилиэнньэлээх кыра куораттарга үлэлии барбыт быраастар 1 мөл. солк., биэлсэрдэр 500 тыһ. солк. ылаллар.
“Земскэй быраас” уонна “Земскэй биэлсэр” бырагыраамалар “Доруобуйа харыстабыла” национальнай бырайыак иитинэн олоххо киирэр.
Ил Дархан уонна Бырабыыталыстыба пресс-сулууспата.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…