«Земскэй быраас», «Земскэй биэссэр» бырагырааманан тыа сиригэр 74 миэдик үлэлии барда.
Ити иһигэр 54 быраас, 20 – биэссэр уонна акушер. Оттон сыл бүтүөр диэри былаанынан тыа сиригэр уопсайа 147 медициинэ исписэлииһэ барыахтаах.
Бу ааспыт 10 сылга Саха сиригэр «Земскэй быраас» бырагырааманан 50 тыһ. диэри нэһилиэнньэлээх тыа сирдэригэр, куораттыы тииптээх бөһүөлэктэргэ уонна кыра, дьоҕус куораттарга 1015 быраас үлэлии барбыт. Арктическай оройуоннарга 221 исписэлиис тиийбит.
Итинтэн кыратык хойутуу, бырагыраамаҕа биэссэрдэр эмиэ кыттар бырааптаммыттара. Ол түмүгэр, кэнники сылларга бу бырагыраамаҕа 108 исписэлиис кыттыбыта бэлиэтэнэр. Итинтэн 29 исписэлиис Арктика оройуоннарыгар барбыт.
Санатан эттэххэ, бу бырагыраама кыттыылаахтарыгар биир кэмнээх компенсационнай төлөбүр көрүллэр: 2 мөл. солк. быраастарга уонна 1 мөл.солк. биэссэрдэргэ. Маны сэргэ, 50 тыһыынчаҕа диэри нэһилиэнньэлээх куораттарга үлэлии кэлбит быраастарга 1 мөл.солк. уонна биэссэрдэргэ 500 тыһ.солк. төлөнөр. Усулуобуйа быһыытынан 5 сыл үлэлииллэр.
Маны таһынан, «2020-2024 сылларга хаачыстыбалаах олорор дьиэнэн хааччыйыы уонна дьиэ-уот коммунальнай өҥөтүн хаачыстыбатын үрдэтии» судаарыстыбаннай бырагыраама иитинэн, арктическай уонна хотугу улуустарга үлэлии барбыт 40-гар диэри саастаах быраастар дьиэ атыылаһалларыгар, биир хостоох толору хааччыллыылаах кыбартыыра сыанатыттан 50% социальнай төлөбүр көрүллэр. Ол туһугар оройуоҥҥа мэдиссиинэ тэрилтэтигэр 5 сыл үлэлиэхтээххин.
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…
Куокуйдааҕы "Надежда" иистэнэр уопсастыбаннай холбоһукка оскуолабыт кэлэктиибэ (дир. Петров И.И.) таҥас быһар электрическай быһаҕы бэлэхтээн…
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…