«Земскэй култуура үлэһитэ» бырагыраамаҕа кыттарга сайаапкалары от ыйын 15 күнүгэр диэри ылаллар

2025 сылга РФ Култууратын министиэристибэтин кубуотатынан 2 мөл. солк. кээмэйдээх биир кэмнээх төлөбүр Саха сирин култууратын 11 тэрилтэтиттэн биирдэстэригэр үлэлии киирбит исписэлиискэ ананыаҕа.

Култуураҕа уонна духуобунай сайдыыга министиэристибэтигэр иһитиннэрбиттэринэн, И.Н. Касьяненко аатынан Томмоттооҕу оҕо ускуустубатын оскуолатыгар фортепиано учууталын көрдүүллэр. Томмот куорат 6500 кэриҥэ нэһилиэнньэлээх, сайдыылаах инфраструктуралаах. Манна массыынанан, ону сэргэ тимир суолунан тиийиэххэ сөп.

Маны таһынан фортепиано учуутала Белай Гораҕа, Тиксиигэ, Маалыкайга, балетмейстер Кириэстээххэ, Эдьигээҥҥэ, хореография учуутала Сангаарга, о.д.а. наадалар.

СӨ Култуураҕа уонна духуобунай сайдыыга министиэристибэтин официальнай саайтыгар «Земскэй култуура үлэһитэ» бырагыраама туһунан сиһилии билсиэххэ сөп: https://minkult.sakha.gov.ru/programma-zemskij-rabotnik-kultury.