sakha.gov.ru
Өрөспүүбүлүкэҕэ аан бастаан 11 «Земскэй култуура үлэһитэ» балаҕан ыйыттан үлэтин саҕалаабыт. Бу туһунан СӨ култууратын уонна духуобунай сайдыытын министиэристибэтиттэн иһитиннэрэллэр.
—Бырайыак олоххо киириитин бастакы сылыгар сүрүн сыалынан-соругунан ыраах нэһилиэнньэлээх пууннарга оҕо ускуустубатын оскуолаларыгар педагогическай каадырдар тиийбэттэрин туоратыы буолар. Эрэгийиэн 11 оройуонугар, ол иһигэр биэс арктическай оройуоҥҥа үлэлииргэ фортепиано, үҥкүү уонна муусука педагогтарын (11 педагог) састааба тэрилиннэ», — диэн СӨ култууратын уонна духуобунай сайдыытын миниистирэ Афанасий Ноев бэлиэтиир.
АГИКИ выпускницата Антонина Мосенкова бырагырааманан Эдьигээҥҥэ үлэлиир. Кини бу иннинэ Муомаҕа «Радость тундры» ансаамбыл салайааччытынан үлэлээбитэ.
—Эдьигээн оройуонун дьаһалтата толору хааччыллыылаах кыбартыыранан хааччыйбытыгар махтанабын. Былааным элбэх, — диир Антонина Мосенкова.
Ньурбаҕа Маалыкайга оҕо ускуустубатын оскуолатыгар Муусука үрдүкү оскуолатын бүтэрбит, норуоттар икки ардыларынааҕы куонкурустар лауреаттара Робелла Артемьева үлэлии тиийбит. Кини оҕолору фортепианоҕа оонньуурга үөрэтэр.
—Култуура министиэристибэтэ бу бырагырааманы эдэр исписэлиистэри өйүүргэ уонна эрэгийиэннэргэ култуура сайдарыгар анаан оҥорбута, — диэн бэлиэтиир.
«Земскэй култуура үлэһитэ» бырагыраама РФ Бэрэсидьиэнэ Владимир Путин сорудаҕынан Арассыыйаҕа 2025 сыл тохсунньу 1 күнүттэн саҕаламмыта. Бырайыак «Култуура сайдыыта» бырагыраама иитинэн олоххо киллэриллэр.
«Земскэй култуура үлэһитэ» бырагыраама култуура үлэһиттэрин профессиональнай уонна социальнай көҕүлээһиннэрин олоххо киллэрэргэ усулуобуйаны тэрийэр, ону тэҥэ тыа сиригэр уонна дьоҕус куораттарга култуура тэрилтэлэригэр каадыр кыһалҕаларын быһаарар сыаллаах-соруктаах.
Сиһилии: https://www.sakha.gov.ru/news/14487 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
СӨ Доруобуйа харыстабылын министиэристибэтэ үөс тымыр клапаныгар транскатетернай протезтааһын кубуоталарын (TAVI) туһунан социальнай ситимнэргэ тарҕаммыт…
Дьокуускайга 2 №-дээх полиция отделын дьуһуурунай чааһыгар куорат олохтооҕо успуорт комплексыттан кроссовкатын уорбуттарын туһунан сайабылыанньа…
Арассыыйа ИДьМ “Саха сиринээҕи” МУ үлэһиттэрэ «Учаастакка куттал суох буолуута» суһал-сэрэтэр тэрээһин чэрчитинэн арыгыны сокуону…
Алтынньы ый 20 күнэ. Ил Дархан «Арктика» атыы-логистика хампаанньатын «Арктика амтана» диэн кэнсиэрбэ оҥорор саҥа…
Кэбээйи улууһун Куокуй нэһилиэгин олохтоохторо бу күннэргэ иһэр муустарын үгэннээн ыла сылдьаллар. Ини-бии Давыд, Геннадий…
Амма улууһугар полиция дьуһуурунай чааһыгар ас-үөл маҕаһыыныгар түүн уоруу тахсыбытын туһунан иһитиннэрбиттэр. Уопсай материальнай хоромньу…