Хаартыска: министиэристибэ пресс-сулууспата
Бүгүн Саха Өрөспүүбүлүкэтин физическэй култуураҕа уонна успуорка миниистирэ Леонид Спиридонов “Земскэй тириэньэр” бырагыраама бастакы кыттыылаахтарын эҕэрдэлээтэ.
Саха сирин баһылыга Айсен Николаев ыйаахха илии баттаабытын кэннэ успуорт министиэристибэтэ наадыйар миэстэлэрин испииһэгин таһаарбыта. Онно биэс сайаапка киирэн, куонкурус түмүгүнэн үс киһи бырагыраамаҕа киирдилэр. Ол иһигэр көҥүл тустууга тириэньэр, байыаннай дьайыы бэтэрээнэ Петр Парников Мэҥэ Хаҥалас улууһун Петровка сэл. ДЮСШ ананна. Петр Суздалов Хаҥалас улууһун ДЮСШ-ҕа көҥүл тустууга тириэньэрдиэҕэ, Мария Охлопкова Жатай бөһүөлэгэр саахымакка тириэньэринэн үлэлиэҕэ.
“Биһиги өрөспүүбүлүкэбит Уһук Илиҥҥэ саамай успуордунан дьарыктанар эрэгийиэнинэн биллэр. Сыл ахсын, бэл, саамай кытыы оройуоннарга аныгы спортивнай комплекстар, модульнай саалалар тутуллаллар уонна хапытаалынайдык өрөмүөннэнэллэр. Онно тириэньэр оруола олус улахан, хамаандатын түмэр, оҕолор кыахтарын арыйар.
Бүгүн эһиги “Земскэй тириэньэр” бырагыраама чэрчитинэн үлэҕэ киирэр бастакы исписэлиистэр буолаҕыт. Эһиги үлэҕитигэр Дмитрий Петрович Коркин сирдиир сулус буоллун. Мария Семеновнаҕа Саха сирин бастакы гроссмейстерин үүннэрэригэр, Петр Петровичка уонна Петр Семеновичка Арассыыйа чөмпүйүөннэрин иитэн таһааралларыгар баҕарабын”, — диэтэ Леонид Николаевич.
Мария Охлопкова хайыы үйэ успуорт оскуола дириэктэрин кытта көрсүбүтүн, үчүгэй усулуобуйа тэриллибитин бэлиэтээтэ. Петр Суздалов үс иһигэр киирбититтэн үөрүүтүн үллэстэр. Төһө да биэс сыл диэн кылгас больоҕун иһин, чөмпүйүөннэри иитэргэ бары кыаллары оҥоруом диэн эрэннэрдэ.
Петр Парников Мэҥэ Хаҥалас улууһугар көҥүл тустууну сайыннарыыга таһаарыылаахтык үлэлиир баҕалааҕын биллэрдэ.
“Земскэй тириэньэр” бырагырааманы бэрэсидьиэн Владимир Путин көҕүлээбитэ.
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…