“Земскэй учуутал” бырагыраама куонкуруһугар кыттарга докумуоннары тутуу салҕанар

“Земскэй учуутал” бырагырааманан тыа сирин нэһилиэнньэлээх пууннарыгар, оробуочай бөһүөлэктэргэ, куораттыы тииптээх бөһүөлэктэргэ эбэтэр 50 тыһ. диэри нэһилиэнньэлээх куораттарга үлэлии барар учууталларга биир кэмнээх төлөбүрү биэрии сүүмэрдиир куонкуруһугар кыттаччылартан докумуоннары салгыы ылаллар.  

Күн бүгүн “Земскэй учуутал” бырагыраама порталыгар Тыва, Дагестан, Бурятия, Алтай өрөспүүбүлүкэлэриттэн, Амур уобалаһыттан, Москва куораттан, Саха сириттэн, о.д.а. эрэгийиэннэртэн 154 сайаапка киирдэ.

Онтон Тыва, Дагестан, Бурятия, Алтай, Башкортостан, Амур уобалаһын, Краснодарскай кыраай, Москва куорат, Саха сирин 10 кыттааччытыттан 10 бакыат докумуон бэлиэтэниини ааста.

Сүүмэрдиир куонкуруска докумуоннары “Земскэй учуутал” федеральнай портал нөҥүө  https://zemteacher.apkpro.ru/  (Банк вакансий – выбрать регион – подать заявку) 2023 сыл муус устар 15 күнүгэр диэри ылабыт.

Сайаапканы ыытан баран  yakutiazemteacher@mail.ru электроннай буочтаҕа маннык итэҕэтиллибит (заверенные) докумуоннар куопуйаларын сканердаан ыытаргыт ирдэнэр:

1. регистарциялаах сирэйин кытта бэйэни туоһулуур докумуон;
2. үөрэх туһунан докумуон, булгуччу педагогическай үөрэхтээх буоларгыт ирдэнэр;
3. квалификация таһымын бигэргэтэр докумуон;
4. үлэ киниискэтэ уонна/эбэтэр үлэ туһунан сибэдиэнньэ (РФ Үлэ кодексатын 66.1 ыстатыйатыгар олоҕуран);
5. нолуок уорганыгар учуокка туруу туһунан сибэдиэтэлистибэ эбэтэр РФ олорор сиригэр биирдиилээн киһи нолуок уорганын учуотугар турбутун туһунан иһитиннэрии;
6. булгуччулаах пенсионнай страхование сибэдиэтэлистибэтэ.

Итини таһынан тиксэриллэр:

— тус дааннайдары бэрэбиэркэлииргэ сөбүлэҥ;

— көһөр туһунан сөбүлэҥ.

Куонкуруска кыттааччылар эбии балары тиэрдэллэр (баар буолаҕына):

— оригиналын көрдөрөн туран кэргэннии буолууну туоһулуур туһунан сибэдиэтэлистибэ куопуйата эбэтэр кэргэннии буолуу туһунан нотариуһунан бигэргэтиллибит сибэдиэтэлэстибэ куопуйата;

— оригиналын көрдөрөн туран оҕолор төрөөбүттэрин туһунан сибэдиэтэлистибэ куопуйата эбэтэр оҕолор төрөөбүттэрин туһунан сибэдиэтэлэстибэ нотариуһунан бигэргэтиллибит куопуйата;

— кыттааччы бэйэтэ көрүүтүнэн онтон атын докумуоннар.

Ыйыллыбыт докумуоннар бары куопуйалара салайааччы илии баттааһынынан эбэтэр боломуочуйалаах дуоһунастаах сирэй уонна үлэ биэрээччи бэчээтинэн бигэргэммит буолуохтаах.

Сүбэ ылааччылар бу нүөмэрдэринэн билсиэххитин сөп:

Данилова Сардана Эркинбековна, эрэгийиэннээҕи оператор бэрэстэбиитэлэ — 89142322403,

Сыроватская Ульяна Гаврильевна, эрэгийиэннээҕи оператор — 8 (4112) 506-476.

Сүүмэрдиир куонкурус хаамыытын, вакансиялар туһунан сиһилии иһитиннэриини СӨ Үөрэҕин уонна билимин министиэристибэтин саайтыгар  «Деятельность», вкладка «Педагогические кадры»– «Земский учитель»,  http://iroipk-sakha.ru/ (баннер «Земский учитель») салааҕа көрүҥ.

Вакансиялар:

1. Горнай улууһун Кэптин орто оскуолата, математика (физика) учуутала, 26 чаас;
2. Таатта улууһун Г.В.Егоров аатынан Хара Алдан орто оскуолата, алын кылаас учуутала, 25 чаас;
3. Уус Алдан улууһун Суотту орто оскуолата, математика учуутала, 22 чаас;
4. Уус Маайа улууһун Уус Маайа орто оскуолата, нуучча тылын уонна литэрэтиирэтин учуутала, 20 чаас;
5. Ленскэй улууһун Ньүүйэ орто оскуолата, англия тылын (ньиэмэс тыла) учуутала, 24 чаас;
6. Мииринэй улууһун 4-с нүөмэрдээх орто оскуолата, нуучча тылын уонна литэрэтиирэтин учуутала, 35 чаас;
7. Өлүөхүмэ улууһун И.Я.Филиппов аатынан Хоро орто оскуолата, математика учуутала, 20 чаас;
8. Бүлүү улууһун И.Н.Ханды аатынан Тылгыны орто оскуолата, нуучча тылын уонна литэрэтиирэтин учуутала, 18 чаас;
9. Ньурба улууһун К.Д.Уткин аатынан Марха орто оскуолата, биология уонна химия учуутала, 22 чаас;
10. Сунтаар улууһун В.Г.Акимов аатынан Бүлүүчээн лиссиэй-интэринээтэ, нуучча тылын уонна литэрэтиирэтин учуутала, 26 чаас;
11. Алдан улууһун Аллара Кураанах бөһүөлэгин 4-с нүөмэрдээх орто оскуолата, математика учуутала, 36 чаас;
12. Нерюнгри улууһун Серебрянай Бор бөһүөлэгин 14-с нүөмэрдээх орто оскуолата, математика уонна информатика учуутала, 18 чаас;
13. Өлөөн эбэҥки национальнай улууһун Х.А.Христофоров аатынан Харыйалаах орто оскуолата, математика учуутала, 22 чаас;
14. Томпо улууһун Хаандыга орто оскуолата, математика учуутала, 20 чаас;
15. Хаҥалас улууһун Үөдэй орто оскуолата, физика уонна информатика учуутала, 18 чаас;
16. Чурапчы улууһун Р.И.Константинов аатынан Амма орто оскуолата, химия уонна биология учуутала, 20 чаас;
17. Аллайыаха улууһун Оленегорскай орто оскуолата, нуучча тылын уонна литэрэтиирэтин учуутала, 24 чаас;
18. Амма улууһун П.И.Караканов аатынан Мээндиги орто оскуолата, математика учуутала, 18 чаас;
19. Үөһээ Бүлүү улууһун Боескоровтар ааттарынан Сургуулук орто оскуолата, математика учуутала, 22 чаас;
20. Муома улууһун Н.С.Тарабукин аатынан Улахан Чыыстай орто оскуолата, биология уонна химия учуутала, 18 чаас;
21. Кэбээйи улууһун Сииттэ орто оскуолата, нуучча тылын уонна литэрэтиирэтин учуутала, 20 чаас;
22. Булуҥ улууһун Хара Уулаах орто оскуолата, математика учуутала, 30 чаас.

Бу туһунан СӨ Үөрэҕин уонна билимин министиэристибэтин саайтыгар суруллар.