Хаартыска: minobrnauki.sakha.gov.ru
Эрэгийиэннэргэ педагогтар тиийбэт кыһалҕаларын быһаарар биир суолунан “Земскэй учуутал” федеральнай бырагыраама буолар. Биэс сыл устата өрөспүүбүлүкэҕэ 53 квота олоххо киирдэ, саҥа үөрэх дьылыгар Саха сирин оскуолаларыгар 11 педагог үлэлэрин саҕалыахтара.
Бу сыл муус устар 15 күнүгэр диэри “Земскэй учуутал” федеральнай бырагырааманан биир кэмнээх төлөбүргэ киирсэр сүүмэрдиир күрэскэ кыттарга, баар вакансияларга учууталлартан докумуоннары хомуйуу салҕанар. Тустаах бырагырааманан тыа сирдэрин, оробуочай бөһүөлэктэрин, куораттыы тииптээх бөһүөлэктэрин уонна кыра куораттарын оскуолаларыгар үлэлии барар учууталларга 2 мөл. солк. төлөбүр көрүллэр.
Ил Дархан Ыйааҕыгар уларытыылары киллэриигэ олоҕуран, педагог идэтигэр үөрэнэр үрдүк, орто үөрэх кыһаларыгар бүтэһик куурустарга үөрэнэр устудьуоннар “Земскэй учуутал” бырагыраамаҕа кыттыахтарын сөп.
Күн бүгүн “Земскэй учуутал” бырагыраама порталыгар Тыва, Башкортостан, Дагестан өрөспүүбүлүкэлэриттэн, Алтайскай кыраайтан, Амур, Ростовскай, Иркутскай уобаластартан, Ханты-Мансийскай автономнай уокуруктан, Саха сириттэн, о.д.а. 150 сайаапка киирбит.
Эрэгийиэннээҕи оператор сурунаалыгар Тыва, Башкортостан, Дагестан өрөспүүбүлүкэлэр, Ростовскай, Иркутскай уобаластар, уо.д.а. эрэгийиэннэр 33 кыттааччыларыттан 33 докумуон бэлиэтэммит.
Математика учууталын вакансиятыгар маннык оскуолаларга докумуоннары туттара иликтэр:
— Үөһээ Бүлүү улууһун Үөһээ Бүлүү И.Н.Барахов аатынан 1-кы нүөмэрдээх орто оскуолатыгар;
— Өймөкөөн улууһун Н.О.Кривошапкин аатынан Өймөкөөн орто оскуолатыгар;
— Нерюнгри оройуонун Чульман бөһүөлэгин 7-с нүөмэрдээх орто оскуолатыгар математика, физика учууталыгар.
2025 сыллааҕы “Земскэй учуутал” бырайыакка хапсар вакансиялар толору испииһэктэрин бу сигэнэн https://minobrnauki.sakha.gov.ru/news/front/view/id/3489302 киирэн көрүҥ.
2025 сыл муус устар 15 күнүгэр диэри сүүмэрдиир куонкуруска кыттарга сайаапкалары күүтэллэр. Сиһилии федеральнай порталга билсиҥ https://zemteacher.apkpro.ru/. Сканердаммыт, үлэ биэрээччи бигэргэппит булгуччулаах докумуоннарын куоппуйатын эрэгийиэннээҕи операторга С.Н.Донской-II аатынан Үөрэҕи сайыннарар уонна идэ таһымын үрдэтэр институт электроннай буочтатыгар ыытыҥ yakutiazemteacher@mail.ru
Ыйытыыларгытын бу нүөмэринэн биэриҥ:
СӨ үөрэҕин уонна билимин министиэристибэтин каадыр бэлиитикэтигэр, судаарыстыбаннай сулууспаҕа уонна юридическай хааччыйыыга салаата – 50-69-88, 50-69-96;
С.Н.Донской-II аатынан үөрэҕи сайыннарар уонна идэ таһымын үрдэтэр институт 89142322403, Сардана Данилова, эрэгийиэннээҕи оператор.
Бу туһунан Үөрэҕи сайыннарар уонна идэ таһымын үрдэтэр институт суруйар.
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай интэринээт-оскуола иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…