“Земскэй учуутал” куонкуруска сайаапканы муус устар ортотугар диэри ылаллар

Share

“Земскэй учуутал” федеральнай бырагырааманан Саха сирин улуустарыгар үлэлии барыан баҕалаах учууталлартан докумуоннары хомуйаллар. Күн бүгүн барыта 205 сайаапка киирбит.

“Бүгүҥҥү  туругунан, “Земскэй учуутал” бырагыраама порталыгар Саха сириттэн, Тыва Өрөспүүбүлүкэтиттэн, Забайкальскай кыраайтан, Иркутскай уобаластан, Москваттан, Бурятияттан, Башкортостантан, Ставропольскай кыраайтан, дойду уо.д.а. эрэгийиэннэриттэн, уопсайа, 205 сайаапка киирдэ. Итинтэн 35 докумуон пакета толору бэлэм. Ордук элбэх сайаапканы Таатта улууһун Г.В.Егоров аатынан Хара Алдан орто оскуолатыгар алын кылаас учуутала вакансияҕа биэрдилэр”, — диэн эрэгийиэннээҕи оператор бэрэстэбиитэлэ Сардаана Данилова иһитиннэрдэ.

Санатан эттэххэ, “Земскэй учуутал” бырагырааманан тыа сирин нэһилиэнньэлээх пууннарыгар, оробуочай бөһүөлэктэргэ, куораттыы тииптээх бөһүөлэктэргэ эбэтэр 50 тыһ. диэри нэһилиэнньэлээх куораттарга үлэлии барар учууталларга 2 мөл. солк. биир кэмнээх төлөбүр көрүллэр. Маны хайдах туһанара учуутал бэйэтин бырааба, харчытын эрдэ төлүүллэр.

Вакансиялар:

  1. Горнай улууһун Кэптин орто оскуолата, математика (физика) учуутала, 26 чаас;
  2. Таатта улууһун Г.В.Егоров аатынан Хара Алдан орто оскуолата, алын кылаас учуутала, 25 чаас;
  3. Уус Алдан улууһун Суотту орто оскуолата, математика учуутала, 22 чаас;
  4. Уус Маайа улууһун Уус Маайа орто оскуолата, нуучча тылын уонна литэрэтиирэтин учуутала, 20 чаас;
  5. Ленскэй улууһун Ньүүйэ орто оскуолата, англия тылын (ньиэмэс тыла) учуутала, 24 чаас;
  6. Мииринэй улууһун 4-с нүөмэрдээх орто оскуолата, нуучча тылын уонна литэрэтиирэтин учуутала, 35 чаас;
  7. Өлүөхүмэ улууһун И.Я.Филиппов аатынан Хоро орто оскуолата, математика учуутала, 20 чаас;
  8. Бүлүү улууһун И.Н.Ханды аатынан Тылгыны орто оскуолата, нуучча тылын уонна литэрэтиирэтин учуутала, 18 чаас;
  9. Ньурба улууһун К.Д.Уткин аатынан Марха орто оскуолата, биология уонна химия учуутала, 22 чаас;
  10. Сунтаар улууһун В.Г.Акимов аатынан Бүлүүчээн лиссиэй-интэринээтэ, нуучча тылын уонна литэрэтиирэтин учуутала, 26 чаас;
  11. Алдан улууһун Аллараа Кураанах бөһүөлэгин 4-с нүөмэрдээх орто оскуолата, математика учуутала, 36 чаас;
  12. Нерюнгри улууһун Серебрянай Бор бөһүөлэгин 14-с нүөмэрдээх орто оскуолата, математика уонна информатика учуутала, 18 чаас;
  13. Өлөөн эбэҥки национальнай улууһун Х.А.Христофоров аатынан Харыйалаах орто оскуолата, математика учуутала, 22 чаас;
  14. Томпо улууһун Хаандыга орто оскуолата, математика учуутала, 20 чаас;
  15. Хаҥалас улууһун Үөдэй орто оскуолата, физика уонна информатика учуутала, 18 чаас;
  16. Чурапчы улууһун Р.И.Константинов аатынан Амма орто оскуолата, химия уонна биология учуутала, 20 чаас;
  17. Аллайыаха улууһун Оленегорскай орто оскуолата, нуучча тылын уонна литэрэтиирэтин учуутала, 24 чаас;
  18. Амма улууһун П.И.Караканов аатынан Мээндиги орто оскуолата, математика учуутала, 18 чаас;
  19. Үөһээ Бүлүү улууһун Боескоровтар ааттарынан Сургуулук орто оскуолата, математика учуутала, 22 чаас;
  20. Муома улууһун Н.С.Тарабукин аатынан Улахан Чыыстай орто оскуолата, биология уонна химия учуутала, 18 чаас;
  21. Кэбээйи улууһун Сииттэ орто оскуолата, нуучча тылын уонна литэрэтиирэтин учуутала, 20 чаас;
  22. Булуҥ улууһун Хара Уулаах орто оскуолата, математика учуутала, 30 чаас.

Сиһилии чопчулаһыан баҕалаахтар бу нүөмэрдэринэн билсиэххитин сөп: Данилова Сардана Эркинбековна, эрэгийиэннээҕи оператор бэрэстэбиитэлэ — 89142322403, Сыроватская Ульяна Гаврильевна, эрэгийиэннээҕи оператор — 8 (4112) 506-476. Сүүмэрдиир куонкурус хаамыытын, вакансиялар туһунан сиһилии иһитиннэриини СӨ Үөрэҕин уонна билимин министиэристибэтин саайтыгар «Деятельность», вкладка «Педагогические кадры» – «Земский учитель», http://iroipk-sakha.ru/ (баннер «Земский учитель») салааҕа көрүҥ. “Земскэй учуутал” бырагыраамаҕа сайаапканы 2023 сыл муус устар 15 күнүгэр диэри ылаллар.

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Сонуннар
  • Уопсастыба

Электроннай бэбиэскэ туһунан уураах үлэлээтэ

Бу сылга бастакы электроннай бэбиэскэлэри аны күһүн ыҥырыллар гражданнарга туттараллара күүтүллэр. Муус устар 28 күнүттэн…

4 часа ago
  • Сонуннар
  • Тыа хаһаайыстыбата

Кладкин Василий Михайлович аатынан бириэмийэ Алдан табаһыттарын дьиэ кэргэттэригэр туттарылынна

Ил Дархан Айсен Николаев Ыйааҕынан хотугу дьиэ табатын иитиитин, идэлэригэр маастарыстыбаларын, үлэҕэ ситиһиилэрин уонна үрдүк…

5 часов ago
  • Сонуннар
  • Уопсастыба

Дьокуускайтан Казань куоракка быһа рейс оҥоһуллар буолла

Бүгүҥҥүттэн, муус устар 28 күнүттэн,  «Nordwind» авиахампаанньа  Казань – Дьокуускай – Казань маршрутунан саҥа быһа…

5 часов ago
  • Быһылаан
  • Сонуннар

Түөкүттэргэ 2,8 мөлүйүөнү ыыппыт

Нерюнгри оройуонун аҕам саастаах дьахтара түөкүттэргэ 2,8 мөлүйүөн солкуобайы ууран биэрбит. Биэнсийэлээх угаайыга киирэн биэрбит.…

6 часов ago
  • Сонуннар
  • Уопсастыба

Сынньалаҥҥа. Оонньуу да араастаах

Доҕоттор, оонньууну күн ыаһаҕа дии саныыгыт? Суох бөҕө буоллаҕа дии. Ону, мин көрдөхпүнэ, ханнык да…

6 часов ago
  • Байыаннай эпэрээссийэ
  • Сонуннар

Сунтаардар байыаннай дьайыы зонатыгар көмө илдьиэхтэрэ (видео)

Байыаннай дьайыы зонатыгар Саха сириттэн, чуолаан Сунтаар улууһуттан, бу күннэргэ саха волонтердара үс квадроцикл, икки матасыыкыл,…

6 часов ago