“Земскай быраас” бырагыраама 2030 сылга диэри уһатыллыаҕа

“Земскай быраас” уонна “Земскай биэлсэр” бырагыраамалары ситиһиилээҕинэн ааҕан 2030 сылга диэри уһатар буолбуттар.

Бу туһунан Арассыыйа премьер-миниистирэ Михаил Мишустин Госдумаҕа  Арассыыйа Бырабыыталыстыбатын 2023 сыллааҕы отчуотугар ахтан аһарда.

2023 сылга бу бырагыраамалар чэрчилэринэн 6,5 тыһыынча быраас идэлээх дьон саҥа үлэ миэстэтигэр тиийбиттэр. Бу иннинэ дойду Бэрэсидьиэнэ Владимир Путин “Земскай быраас” бырагырааманан көрүллэр “көтөҕүү” үбү-харчыны үрдэтэр туһунан этии киллэрбитэ. “Уһук Илиҥҥи эрэгийиэннэргэ курдук «көтөҕүү» үбү-харчыны улаатыннарар көдьүүстээх буолуон сөп: быраастарга икки мөлүйүөн солкуобайы, биэлсэрдэргэ биир мөлүйүөҥҥэ тиийэ”, — диэн эппитэ Бэрэсидьиэн.