Соторутааҕыта Бүлүү улууһугар зоотехник-селекционердар өрөспүүбүлүкэтээҕи куонкурустара буолан ааста. Онно билигин үлэлии сылдьар исписэлиистэр, бу салаа бэтэрээннэрэ түмсүбүттэрэ. Бүгүн кинилэр санааларын кылгастык билиһиннэрэбит.
Тамара Яковлева , “Туймаада” агрохолдинг кылаабынай исписэлииһэ:
— “Сахаагроплем” СБТ куонкурус кэмигэр кылгастык өрөспүүбүлүкэ племенной хаһаайыстыбаларын туһунан иһитиннэрии оҥорбута буоллар, куонкурус кыттыылаахтара, бэтэрээннэр, улуустар бэрэстэбиитэллэрэ бэйэлэрин хаһаайыстыбаларыгар тиийэн иһитиннэрии оҥоруо этилэр. Маннык тэрээһиҥҥэ өрөспүүбүлүкэ бары улуустара кыттыахтарын наада. Инники үлэлэригэр сыал-сорук туруоруналларыгар, уопут атастаһалларыгар туһалаах буолуоҕа.
СӨ Тыа хаһаайыстыбатын уонна аска-үөлгэ бэлиитикэтин министиэристибэтэ билигин өрөспүүбүлүкэ хаһаайыстыбаларыгар төһө зоотехник баарын, төһө тиийбэтин иһитиннэрбитэ буоллар, бэрт буолуо этэ. Племенной хаһаайыстыбаларга төһө тиийбэтин учуоттаан, “Земский зоотехник” статуһун туруорсар кэм кэллэ дии саныыбын.
Арктикатааҕы университет зоотехническэй отделениетын бүтэрбит устудьуоннарыгар икки эбэтэр үс сыл хаһаайыстыбаҕа үлэлээбиттэрин эрэ кэннэ дипломнарын биэрэр дьаһал тахсара наада буолбут. Производствоҕа быһаччы үлэлии сылдьар исписэлиис суоҕун кэриэтэ. Племенной хаһаайыстыбалар штаттарыгар булгуччу селекционер-зоотехник уонна племучуотчут штатын көрөллөрүн ирдиэххэ.
Мария Поскачина:
— Сайылыкка тахсыы диэн олус үчүгэй, туһалаах. Бу анаан-минээн Сырдык Уулаах сайылыкка ыытыллар зоотехниктар куонкурустарын көрө кэллибит. Хайдах кытталларый уонна туох саҥа баарый диэн. Сүрдээх интэриэһинэй куонкурус. Биһиги сайылыкка тахсан, дьон сүөһүтүн көрүүгэ ыллыбыт. Икки ыанньыксыт, 2 ньирэй көрөөччү, бостуук баар. 70-ча ыанар ынахтаахпыт. Кэтэх ыаллартан, ИП-лартан ылан көрөбүт. Бу куонкуруска сылдьан өссө маннык санаа киирдэ. Хата, сайылыктар икки ардыларыгар маннык хабааннаах куонкуруһу туһааннаах министиэристибэ тэрийэрэ буоллар.
Владислав Чугунов, “Хорообут” ХЭТ зоотехнига :
— Мин “Хорообут” ХЭТ-кэ сылгы зоотехнигабын. Биһиги хаһаайыстыбабыт сылгы собуотун аатын ылбыта. 300 тахса сылгылаахпыт. Дьөһөгөй оҕотун туһунан наһаа улаханнык саҥарар табыллыбат, тоҕо диэтэххэ, сылгылар этэҥҥэ буолуулара күн-дьыл усулуобуйатыттан эмиэ олоччу тутулуктаах. Урукку сылларга атыырдарбыт быыстапкаларга бастыыр этилэр. Кустук диэн атыырбыт хаста да бастаабыта. Билигин икки баазанан үлэлиибит. Уулаах уонна Харба Атахха. Баазаларбыт дэриэбинэттэн 10-ча км сиргэ бааллар. Үс сылгыһыттаахпыт, 1 аһатар киһилээхпит. Сылгыһыт тиийбэт кыһалҕата баар.
Хаартыскалары: ааптар уонна Алексей Николаев (Бүлүү)
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…