Саха сирэ үөрэххэ инвестициятынан дойду үрдүнэн инники күөҥҥэ сылдьар. Маны оскуола, уһуйаан тутуулара туоһулууллар. Ил Дархан Айсен Николаев Анал этиитигэр эһиил 19 оскуола, 6 уһуйаан тутуллуоҕа диэн иһитиннэрдэ.
«2018 сылтан өрөспүүбүлүкэ куораттарыгар, улуустарыгар 36 оскуола, 66 уһуйаан тутулунна. Бу сыл түмүгүнэн өссө 14 оскуола уонна сэттэ уһуйаан үлэҕэ киириэ. Саҥа дьиэлэр бары технологичнайдар, табыгастаахтар, интерактивнай кылаастар, спортивнай саалалар, сайыннарар инклюзивнай эйгэ бааллар. Киин куорат дуу, тыа сирин оскуолата дуу буоларыттан тутулуга суох үөрэх үрдүк таһымнаахтык барарыгар усулуобуйа барыта баар.
Маныаха дойду бэрэсидьиэнин сорудаҕынан олоххо киирбит уларыта тутуу федеральнай бырайыага улаханнык көмөлөстө. Быйыл 38 оскуола хапытаалынайдык өрөмүөннэннэ. Эһиил өссө 57 оскуола өрөмүөннэниэҕэ», — диэн эттэ.
Ону таһынан, 317 «Үүнүү туочуката»үөрэх киинэ аһыллыбытын иһитиннэрдэ. Коррекционнай оскуолалар мастарыскыайынан, тыа оскуолалара спортивнай саалалар анал тэрилинэн хааччыллаллар, өрөмүөннэнэллэр диэн эттэ.
«Муус устар 12 күнүгэр Өктөмҥө СӨ Билим дьоҕус академията үөрэх-билим киинэ аһылынна. Бүтүн дойду үрдүнэн ураты. Бу тыһыынчанан оҕо ннники идэтин таларыгар көмөлөһүөҕэ, билиминэн дьарыктанарга, айымньылаахтык үлэлииргэ сирдиэҕэ», — диэн бэлиэтээтэ.
Маны тэҥэ, социальнай бииргэ үлэлэһиинэн Жатай аттыгар аһымал пуонданан «Кэлэр кэм туочуката» (Точка будущего) үөрэх комплексын тутуу үтүө холобурунан буолуоҕа диэн ыйда. «Бу оскуолалаах, оскуола иннинээҕи уонна эбии үөрэхтээһин куорпустардаах, доруобуйаны бөҕөргөтөр спортивнай комплекстаах, учууталларга кампустаах уонна иитэ ылар дьиэ кэргэҥҥэ аналлаах бөһүөлэктээх буолуоҕа», — диэтэ. Тустаах комплекс уопсай иэнэ 63 тыһ. кв. миэнэ диэн иһитиннэрдэ.
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…