Жатай-Төхтүр хайысханан паром сырыыта быстах кэмҥэ тохтотулунна

Жатай-Төхтүр хайысханан Өлүөнэ эбэҕэ паром сырыыта быстах кэмҥэ тохтотулунна, диэн СӨ Тырааныспарга уонна суол хаһаайыстыбатыгар министиэристибэтэ иһитиннэрэр.

«ЛОРП» ААУо буксуур-бааржа сырыытын хааччыйар ханаалы оҥорор үлэни ыытар. Үлэ бүгүнү быһа ыытыллыа.

Буксуур- бааржа сылдьар ханаалын оҥордохторуна сырыы урукку эрэсииминэн салҕаныа.
Жатай да, Төхтүр да өттүттэн массыына аҕыйах.

Сырыы аһыллыытын туһунан сиһилии «ЛОРП» ААУо төлөппүөннэригэр: (4112) 40-80-09, 12-31, 8-914-104-29-71 эрийэн билсиҥ.