«Жатай – Төхтүр» хайысханан паромунан сырыы сөргүтүлүннэ

«Жатай – Төхтүр» хайысханан паромунан таһыы сөргүтүлүннэ. Бу туһунан Тырааныспар министиэристибэтэ иһитиннэрэр.

ПАУ «ЛОРП» иһитиннэрбитинэн, «Жатай – Төхтүр» хайысханан паром үлэтэ саҕаланна. Таһыы «Жатай-1» баржанан, ыарахан буксирынан уонна мууһу хайытар аал көмөтүнэн оҥоһуллар. Рейстэр баржа туолбутунан оҥоһуллаллар. Баржаҕа 95-100 чэпчэки массыына эбэтэр 25 таһаҕас тиэйэр массыына киирэр кыахтаах.  Тарыыптары  ПАУ «ЛОРП» бигэргэппит. Сиһилии информацияны ПАУ «ЛОРП» төлөпүөннэринэн ыйытыахха сөп: (4112) 40-80-09 (эбии 12-31 нүөмэр) уонна 8-914-104-29-71.

Тырааныспар министиэристибэтэ суоппардарга эрдэттэн оттугу, аһы уонна ууну бэлэмнииргэ сүбэлиир, тоҕо диэтэр паром күүтэргэ өр буолуон сөп.