Жатай-Төхтүр икки ардынан паром харгыһа суох айанныыр

Өлүөнэ өрүһүнэн таһаҕаһы уонна пассажирдары тиэйии салҕанар. Жатай-Төхтүр икки ардынан паром күннэтэ сылдьар диэн бүгүн, сэтинньи 2 күнүгэр, СӨ тырааныспарга уонна суол хаһаайыстыбатыгар министиэристибэтэ иһитиннэрэр.

«Жатай бөһүөлэгин өттүттэн парому күүтэн 100-чэ массыына (сүрүннээн таһаҕас тиэйэр массыыналар), оттон Төхтүр өттүттэн 50 массыына (сүрүннээн легковой массыыналар) тураллар», — диэн иһитиннэриигэ суруллубут.

Күн устата паром туолан иһэринэн икки толору рейси оҥорор былаан баар. Барже-буксирнай састаапка 95-100 легковой эбэтэр 25 таһаҕас тиэйэр массыына батар. Бэлиэтээн сурулларынан, састаап үлэтэ өрүс гидрологическай туругуттан тутулуктаах.

Сиһилии ЛОРП-ка эрийэн билсиҥ: (4112) 40-80-09, доб. 12-31, 8-914-104-29-71.