Хаартыска: Юрий Осипов, ЯСИА.
Сүрүннээн манна каадырдары Жатайдааҕы техникум бэлэмниир. Быйыл бу үөрэх кыһатын бүтэрбит эдэр үлэһиттэр кэлбиттэр.
“Биһиги Санкт-Петербурдааҕы Балтийскай собуоту уонна Карелияҕа баар Онежскай собуоту кытта сөбүлэһиилээхпит, — диир собуот дириэктэрэ Влад Пермяков. – Техникуму бүтэрэллэрэ сыл аҥара хаалбытын кэннэ, ол собуоттарга тиийэн стажировкаланаллар. Онон хайыы-үйэ эдэр исписэлиистэрдээхпит”.
Собуот салалтата уонна тырааныспар министиэристибэтэ бу боппуруоска олохтоохтук ылсан үлэлии сылдьаллар. Ол курдук биэс оскуолаҕа фирменнэй кылааһы арыйбыттар, онон оҕолор оскуола-техникум-стажировка хайысханан бара турар суоллара арыллыбыт. Биллэн турар, итиннэ чертежтуур геометрия, ахсаан билиитэ олох үчүгэй буолуон наада.
Ону кытта атын салааларга үлэлиир сыбаарсыктар квалификацияларын үрдэтэ Балтийскай собуокка баран үөрэниэхтэрин сөп. Муора академиятыгар, хараабылы тутар үөрэх кыһаларыгар киирбит оҕолору кытта целевой дуогабары эмиэ түһэрсэр былааннаахтар. Ким итиннэ интэриэстээх Жатайдааҕы судоверфь каадырга отделыгар эбэтэр Тырааныспар министиэристибэтигэр киирэн дуогабар оҥорсуохтарын сөп.
Собуот үлэһиттэригэр анаан 106 кыбартыыралаах дьиэ тутулунна, сыл бүтүүтэ 200 миэстэлээх уопсай дьиэ үлэҕэ киириэ. Билиҥҥитэ 70 киһи үлэлии сылдьар, сакаас киирдэҕинэ 600-кэ тиийэ киһи үлэлиэн сөп.
-Собуот үлэһиттэрин хамнаһа орто хамнастан арыый үрдүк, — диэтэ собуот дириэктэрэ.
«Үлэ, иис күрэҕэ» өрөспүүбүлүкэтээҕи байыаннай дьайыыга таҥас тигээччилэр күрэстэрэ буолан ааста. «Илии сылааһа» иистэнньэҥнэр түмсүүлэрин…
Суудунаны оҥорор уораҕайы кэрийэ сылдьан, тугу эрэ букунаһа сылдьар дьоҥҥо тиийдибит. Кытай собуотун үлэһиттэрэ станоктарын…
Тыа сирдэрэ, хаһаайыстыбалар Жатайдааҕы суудунаны оҥорор собуот үлэҕэ киирэрин кэтэһэллэр. Манна тыа сиригэр наадалаах паромнары,…
Түүн Бурденко аатынан кылаабынай байыаннай госпитальга биир дойдулаахпыт бааһыран киирбитэ иһиллибитэ. Сонно саха волонтердарга көмөлөһөр…
Былырыын саҥа киирбит Онкологическай кииҥҥэ КТ, МРТ оборудованиенан 50 тыһыынча кэриҥэ диагностическай чинчийии ыытыллыбытын туһунан…
От ыйын 15 күнүгэр СӨ бырабыыталыстыбатын бэрэссэдээтэлин бастакы солбуйааччы Дмитрий Садовников салалтатынан «2019-2025 сс. хаарбах…