Хаартыска: Юрий Осипов, ЯСИА.
Сүрүннээн манна каадырдары Жатайдааҕы техникум бэлэмниир. Быйыл бу үөрэх кыһатын бүтэрбит эдэр үлэһиттэр кэлбиттэр.
“Биһиги Санкт-Петербурдааҕы Балтийскай собуоту уонна Карелияҕа баар Онежскай собуоту кытта сөбүлэһиилээхпит, — диир собуот дириэктэрэ Влад Пермяков. – Техникуму бүтэрэллэрэ сыл аҥара хаалбытын кэннэ, ол собуоттарга тиийэн стажировкаланаллар. Онон хайыы-үйэ эдэр исписэлиистэрдээхпит”.
Собуот салалтата уонна тырааныспар министиэристибэтэ бу боппуруоска олохтоохтук ылсан үлэлии сылдьаллар. Ол курдук биэс оскуолаҕа фирменнэй кылааһы арыйбыттар, онон оҕолор оскуола-техникум-стажировка хайысханан бара турар суоллара арыллыбыт. Биллэн турар, итиннэ чертежтуур геометрия, ахсаан билиитэ олох үчүгэй буолуон наада.
Ону кытта атын салааларга үлэлиир сыбаарсыктар квалификацияларын үрдэтэ Балтийскай собуокка баран үөрэниэхтэрин сөп. Муора академиятыгар, хараабылы тутар үөрэх кыһаларыгар киирбит оҕолору кытта целевой дуогабары эмиэ түһэрсэр былааннаахтар. Ким итиннэ интэриэстээх Жатайдааҕы судоверфь каадырга отделыгар эбэтэр Тырааныспар министиэристибэтигэр киирэн дуогабар оҥорсуохтарын сөп.
Собуот үлэһиттэригэр анаан 106 кыбартыыралаах дьиэ тутулунна, сыл бүтүүтэ 200 миэстэлээх уопсай дьиэ үлэҕэ киириэ. Билиҥҥитэ 70 киһи үлэлии сылдьар, сакаас киирдэҕинэ 600-кэ тиийэ киһи үлэлиэн сөп.
-Собуот үлэһиттэрин хамнаһа орто хамнастан арыый үрдүк, — диэтэ собуот дириэктэрэ.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…