Салгыы
«Жатайдааҕы судоверфь» АУо Саха сирин бас билиитигэр бэрилиннэ

«Жатайдааҕы судоверфь» АУо Саха сирин бас билиитигэр бэрилиннэ

Ааптар:
05.01.2024, 23:15
Хаартыска Мария Васильева (СИА) түһэриитэ.
Бөлөххө киир:

РФ Бэрэсидьиэнэ Владимир Путин ыйааҕынан «Жатайдааҕы судоверфь» АУо Саха сирин бас билиитигэр  бэрилиннэ. Ол туһунан докумуон  правовой иһитиннэрэр порталга таҕыста. 

«Арктикатааҕы тырааныспартнай систиэмэни  сайыннарар уонна нэһилиэнньэ олоҕун хааччыйыы систиэмэтин көдьүүстээх оҥорор инниттэн бу быһаарыныы ылылынна. РФ Бырабыыталыстыбатын уонна СӨ Баһылыгын этиилэрин ылынан туран, федеральнай бас билиигэ сылдьар, 4 106 200 000 аахсыйалаах  «Жатайдааҕы судоверфь» АУо-ну Саха сирин бас билиитигэр бэриллэр«, — диэн тустаах докумуоҥҥа суруллар.

ТАСС иһитиннэрбитинэн,  РФ Бырабыыталыстыбата Саха Өрөспүүбүлүкэтин Бырабыыталыстыбатын кытта бииргэ 2024 сылга Жатайдааҕы суудунаны тутар собуот бастакы түһүмэҕин олоххо киллэрэр усулуобуйаны ылыннахтарына эрэ бас билиигэ бэриллэр. РФ Бырабыыталыстыбата аахсыйаны Саха сиригэр 12 ыйынан биэриэхтээҕэ быһаарыллыбыт. Ону тэҥэ, 15 ыйынан РФ Бырабыыталыстыбата, Саха сирэ уонна «Жатайдааҕы судоверфь» АУо суудунаны тутар бырайыагы сайыннарыыга аналлаах  Сөбүлэһии түһэрсиэхтээхтэр.

Санатар буоллахха, 2023 сыл балаҕан ыйын 5 күнүгэр ыытыллыбыт Уһук Илиҥҥэ баар куораттары сайыннарарга туһаайыллыбыт мунньахха РФ Бэрэсидьиэнэ Владимир Путин РФ Бырабыыталыстыбатыгар уонна Саха сирин салалтатыгар Жатайдааҕы суудунаны оҥорор собуоту саҥардан түмүктүүргэ сорудахтаабыта  Онуоха  РФ вице-премьера, РФ бырамыысыланнаска уонна атыыга-тутууга миниистирэ Денис Мантуров Саха сиринээҕи судоверфи тутуу 2024 сылга түмүктэниэхтээҕин ыйбыта. Бу болдьоҕу СӨ Ил Дарханы Айсен Николаев эмиэ бигэргэппитэ.

«Жатайдааҕы судоверфь» АУо сыл аайы хотугу таһаҕаһы тиэйэргэ аналлаах 10 суудунаны оҥоруоҕа. 

+1
0
+1
0
+1
0
+1
0
+1
1
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 63% Скорость ветра: 1 м/с

Сообщить об опечатке

Текст, который будет отправлен нашим редакторам: