Хаартыска Мария Васильева (СИА) түһэриитэ.
РФ Бэрэсидьиэнэ Владимир Путин ыйааҕынан «Жатайдааҕы судоверфь» АУо Саха сирин бас билиитигэр бэрилиннэ. Ол туһунан докумуон правовой иһитиннэрэр порталга таҕыста.
«Арктикатааҕы тырааныспартнай систиэмэни сайыннарар уонна нэһилиэнньэ олоҕун хааччыйыы систиэмэтин көдьүүстээх оҥорор инниттэн бу быһаарыныы ылылынна. РФ Бырабыыталыстыбатын уонна СӨ Баһылыгын этиилэрин ылынан туран, федеральнай бас билиигэ сылдьар, 4 106 200 000 аахсыйалаах «Жатайдааҕы судоверфь» АУо-ну Саха сирин бас билиитигэр бэриллэр«, — диэн тустаах докумуоҥҥа суруллар.
ТАСС иһитиннэрбитинэн, РФ Бырабыыталыстыбата Саха Өрөспүүбүлүкэтин Бырабыыталыстыбатын кытта бииргэ 2024 сылга Жатайдааҕы суудунаны тутар собуот бастакы түһүмэҕин олоххо киллэрэр усулуобуйаны ылыннахтарына эрэ бас билиигэ бэриллэр. РФ Бырабыыталыстыбата аахсыйаны Саха сиригэр 12 ыйынан биэриэхтээҕэ быһаарыллыбыт. Ону тэҥэ, 15 ыйынан РФ Бырабыыталыстыбата, Саха сирэ уонна «Жатайдааҕы судоверфь» АУо суудунаны тутар бырайыагы сайыннарыыга аналлаах Сөбүлэһии түһэрсиэхтээхтэр.
Санатар буоллахха, 2023 сыл балаҕан ыйын 5 күнүгэр ыытыллыбыт Уһук Илиҥҥэ баар куораттары сайыннарарга туһаайыллыбыт мунньахха РФ Бэрэсидьиэнэ Владимир Путин РФ Бырабыыталыстыбатыгар уонна Саха сирин салалтатыгар Жатайдааҕы суудунаны оҥорор собуоту саҥардан түмүктүүргэ сорудахтаабыта Онуоха РФ вице-премьера, РФ бырамыысыланнаска уонна атыыга-тутууга миниистирэ Денис Мантуров Саха сиринээҕи судоверфи тутуу 2024 сылга түмүктэниэхтээҕин ыйбыта. Бу болдьоҕу СӨ Ил Дарханы Айсен Николаев эмиэ бигэргэппитэ.
«Жатайдааҕы судоверфь» АУо сыл аайы хотугу таһаҕаһы тиэйэргэ аналлаах 10 суудунаны оҥоруоҕа.
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…