https://t.me/aisen_nikolaev
Ил Дархан Айсен Николаев Жатайдааҕы судоверфь тутуутун хаамыытын билистэ итиэннэ тутуу бастакы түһүмэҕэ бүттэҕинэ, бу сыл бастакы кыбаарталын бүтүүтэ суудуналары оҥоруу саҕаланыаҕа диэтэ.
Тутууну билигин олохтоох бэдэрээтчит ыытар. Бүгүҥҥү туругунан эбийиэк 86% бэлэм.
Жатайдааҕы судоверфь кыра тоннажтаах парому тутууга Сунтаар улууһун кытта бастакы сөбүлэһиини түһэрсибит. Маны таһынан «Колымская судоходная компания» АУо кытта сөбүлэһиигэ илии баттаспыттар.
«Хаарбах туруктаах суудуналартан саахал тахсыыта хайдах курдук улахан содулу аҕалыан сөбүн көрө-билэ сылдьабыт. Аныгы суудуналары тутуу кэм ирдэбилэ», – диэн Айсен Николаев эттэ.
Тырааныспар министиэристибэтэ бырабыыталыстыба үп-экэнэмиичэскэй салаатын кытта суудуналары тутуу бырагырааматын уонна суудуналары тутууга үбүлээһин мэхэньиисимин оҥорууга үлэлиир.
Бастакы кыбаартал бүтүүтэ Жатайга верфь үлэһиттэригэр анаан уопсай дьиэ үлэҕэ киллэриллиэхтээх. 7 этээстээх дьиэ 96 хоһугар инженернэй-техническэй састаап уонна тэрилтэ оробуочайдара олоруохтара.
Санатан эттэххэ, бырайыак «Развитие судостроения и морской техники для освоения шельфовых месторождений» федеральнай судаарыстыбаннай бырагыраама иитинэн ыытыллар.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…