Хаартыска: sakha.gov.ru
Өрөспүүбүлүкэ бастакы вице-премьерэ Дмитрий Садовников Жатайдааҕы суудунаны оҥорор собуот кэлэктиибигэр саҥа дириэктэри билиһиннэрдэ. Дириэктэринэн эрдэ СӨ Судаарыстыбаннай тутуу уонна олох-дьаһах кэтээн көрөр управлениетын салайааччытын бастакы солбуйааччынан үлэлээбит Влад Пермяков ананна.
Бырабыыталыстыба бэрэссэдээтэлин бастакы солбуйааччы Влад Пермякову кэлэктиипкэ билиһиннэрэригэр, судаарыстыбаннай уонна муниципальнай былаас толорор уорганыгар үлэлээбит кырааматынай салайааччы диэн эттэ. Ону тэҥэ, ДНӨ Кировскай куоратын чөлүгэр түһэриигэ кылааттааҕын бэлиэтээтэ, Пермяков онно Бырабыыталыстыба бөлөҕүн састаабыгар киирэн үлэлээбитэ.
“Биһиги Влад Михайловичка улахан эрэли сүктэрэбит. Кини үгүс уопута туруоруллубут соругу толороругар эрэллээхпин”, — диэн Дмитрий Садовников бэлиэтээтэ.
Садовников, тэрилтэ дириэктэрин иннигэр турар сүрүн соруктартан, өрөспүүбүлүкэҕэ баар суолталаах эбийиэктэриттэн биирдэстэрин – Жатайдааҕы суудунаны оҥорор собуот тутуутун бүтэрии диэн эттэ. Санатан аастахха, дойду бэрэсидьиэнэ Владимир Путин сорудаҕынан, үрдүк технологиялаах суудунаны оҥорор собуоту тэрийии инвестиционнай бырайыагын олоххо киллэрии бастакы түһүмэҕэ 2024 сылга бүтүөхтээх.
Влад Михайлович Пермяков 2007 сыллаахха М.К. Аммосов аатынан Саха судаарыстыбаннай университетын инженернэй-тиэхиньиичэскэй бакылтыатын инженер-тутааччы исписээлинэһин бүтэрбитэ. 2010 сыллаахха ХИФУ юридическай бакылтыатын, 2018 сыллаахха Арассыыйатааҕы норуот хаһаайыстыбатын уонна судаарыстыбаннай сулууспа академиятын дьупулуомнарын ылбыта.
2007-2014 сс. “СӨ судаарыстыбаннай сакаасчытын сулууспата” тэрилтэҕэ исписэлииһинэн, онтон оҥорон таһаарар салаа начаалынньыгын солбуйааччынан үлэлээбитэ.
2014-2018 сс. Чурапчы улууһун баһылыгын солбуйааччынан, 2018-2019 сс. “СӨ Элбэх кыбартыыралаах дьиэлэрин капытаалынай өрөмүөнүн пуондата” кэммиэрчэскэйэ суох тэрилтэҕэ генеральнай дириэктэринэн үлэлээбитэ. 2019 сыллаахха “Форвард” ХЭУо генеральнай дириэктэрин бастакы солбуйааччыта этэ. 2019-2023 сс. — СӨ Судаарыстыбаннай тутуу уонна олох-дьаһах кэтээн көрөр управлениетын салайааччытын бастакы солбуйааччыта.
Ил Дархан уонна Бырабыыталыстыа пресс-сулууспата.
Горнай улууһун Маҕарас сэлиэнньэтин элбэх оҕолоох ыаллара, 34 саастаах Саргылаана уонна Айтал Никаноровтар “Дьиэ кэргэн-2025”…
Сэтинньи 4-6 күннэригэр Дьокуускайга фашизмы утары өрөспүүбүлүкэтээҕи III пуорум буолаары турар. Дьокуускайга "Норуот уонна аармыйа…
Арассыыйа бэрэсидиэньэ Владимир Путин көҕүлээһининэн Саха сиригэр култуура эйгэтэ сайдар. «Симэх» национальнай киин бэрэсидьиэн Гранынан…
А.Е.Кулаковскай-Өксөкүлээх Өлөксөй аатынан норуоттар сомоҕолоһууларын дьиэтигэр "Эйэ туһугар норуоттар сомоҕолоһуулара" Ыччат пуорума буолла. Тэрээһиҥҥэ ыччат…
Бүгүн, сэтинньи 3 күнүгэр, байыаннай дьайыы 25 байыаһын П.Ойуунускай аатынан норуоттар икки ардыларынааҕы аэропорка көрүстүлэр.…
Дьокуускайга П.А.Ойуунускай аатынан литература түмэлигэр бүгүн, сэтинньи 3 күнүгэр, күнүс 14.00 ч. "Дружба литератур –…