Хаартыска: СИА,
Айсен Николаев Жатайдааҕы уу аалын оҥорор тэрилтэ куорпустары оҥорор сыаҕын арыйда. Бу эбийиэк Дьокуускай маастар-былаанын биир сүрүн тутуутунан буолар.
Уу аалын оҥорор тэрилтэҕэ туруоруллуохтаах бастакы аалынан ЛОРП өрүс-муора кылаастаах, бэйэтэ айанныыр баржата буолуоҕа. Өссө быйыл манна бастакы паром уонна ыһыллар-хомуллар муоста тутуллара саҕаланыаҕа.
— Тырааныспар инфраструктуратын сайыннарыы былааныгар таһаҕас уонна пассажирдар флоттарын тупсарыы киирэр. Жатайдааҕы судоверфь уу аалларын тутууну сөргүтүөҕэ. Кини оҥорон таһаарар кыаҕар араас көрүҥнээх уонна сыаллаах-соруктаах 10-ҥа диэри өрүс суудуналарын тутуу киирэр”, — диэн иһитиннэрдэ Айсен Николаев.
“Лена бассейнын тырааныспар инфраструктуратын сайыннарыы таһаҕаһы тохтоло суох тиэрдиигэ биир сүрүн усулуобуйа буолар. 2019 сылтан Арассыыйа бырамыысыланнас, атыы-эргиэн министиэристибэтэ өрөспүүбүлүкэ салалтатын уонна биисинэс-уопсастыбаны кытта маннык кээмэйдээх эбийиэги тэрийэргэ наадалаах улахан үлэни ыытта. Баһылыктарга, бырабыыталыстыбаҕа уонна хампаанньаҕа махталбын тиэрдэбин, — диэн РФ бырамыысыланнаска, эргиэҥҥэ миниистирэ Антон Алиханов эттэ. Кини бу Арктикаҕа уонна Хотугу муора суолун сайыннарыыга стратегическай суолталааҕын тоһоҕолоото.
Бырайыак «Якутия» ТОР уонна Уһук Илин уонна Арктика сайдыытын корпорациятын өйөбүлүнэн олоххо киирэр, ол эбийиэги бары наадалаах инженернэй инфраструктуранан: уотунан, гааһынан, сылааһынан, уунан уонна канализация систиэмэтинэн хааччыйда.
Федеральнай уонна өрөспүүбүлүкэтээҕи бүддьүөттэн киирэр үбү, СӨ АУо сайдыытын корпорациятын үбүн, ону тэҥэ кирэдьиит үбүн киллэрэн туран, уопсайа 8 млрд тахса солкуобайга тэҥнэһиэҕэ.
Сиһилии: https://www.sakha.gov.ru/news/3518 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) туһаныы…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…