sakha.gov.ru
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа Дьоруойа Геннадий Трошев кэриэһигэр аналлаах байыаннай-спортивнай турнир ыытылынна.
Күрэхтэһиигэ 1 №-дээх уонна 2 №-дээх орто оскуолалартан 6 хаһаак кылааһа уонна 2 хаһаак кулууба кытынна. Бу туһунан sakha.gov.ru иһитиннэрэр.
Турнир аһыллыытыгар кыттааччылары сүрүн судьуйа, Жатайдааҕы станичнай хаһаак уопсастыбатын атамаана Виктор Шадрин, «Жатай» уокуруктааҕы дьаһалтатын үөрэххэ отделын начаалынньыга Евгений Турнаев, Тас сибээскэ уонна норуоттар дьыалаларыгар министиэристибэтин бэрэстэбиитэлэ Валерия Мохначевская эҕэрдэлээтилэр.
«Геннадий Николаевич Трошев, Российскай Федерация Бэрэсидьиэнин сүбэһитин дуоһунаһыгар үлэлии сылдьан, дойдуга хаһаах боппуруостарын дьаһайара. Кини Сахабыт сиригэр хаһаахтары сөргүтүүгэ олус элбэҕи оҥорбута. Онон биһиги кини кэриэһигэр турниры сыл аайы ыытарга быһаарыммыппыт. Патриоттары иитиэххэ наада, кинилэргэ доҕордоһуу, бэйэ-бэйэҕэ көмөлөһүү, хардарыта көмөлөһүү, Ийэ дойду иһин эппиэтинэс тыынын иҥэриэххэ наада», – диэн Жатайдааҕы станичнай хаһаак уопсастыбатын атамаана Виктор Шадрин тыл этиитигэр бэлиэтээтэ.
Турнир чэрчитинэн стройга бэлэмнэниигэ, пневматическэй бинтиэпкэттэн ытыыга, эчэйбит уонна бааһырбыт дьоҥҥо бастакы көмөнү оҥорууга, ону таһынан саабыланан эрчиллиигэ күрэхтэһиилэр ыытылыннылар. Итини таһынан, хаһаахтар устуоруйаларыгар аналлаах викторина тэрилиннэ.
Геннадий Николаевич Трошев – сэбиэскэй уонна российскай байыаннай салайааччы, Российскай Федерация Дьоруойа. Кини аата Саха сирин Мииринэй оройуонун Чернышевскай бөһүөлэгэр баар кадетскай оскуола-интэринээккэ иҥэриллибитэ. Ахсынньы 9 күнүгэр Арассыыйаҕа Аҕа дойду Дьоруойдарын күнэ бэлиэтэнэр – бу судаарыстыба уонна уопсастыба саамай үрдүк ытыктабылын бэлиэтэ. Бу күн Сэбиэскэй Сойуус, Российскай Федерация Дьоруойдарын ааттарыгар, Сибэтиэй Георгий уордьанын кавалердарыгар уонна Албан аат уордьанын толору кавалердарыгар тиксибит, Аҕа дойду устуоруйатын страницаларыгар хорсун быһыылара үйэ-саас тухары үйэтитиллибит дьоруой дьону кэриэстииллэр.
Эһиил муус устар 1 күнүттэн социальнай биэнсийэлэри уонна судаарыстыбаттан бэриллэр биэнсийэлэри 6,8% үрдэтиэхтэрэ. Бу туһунан…
СӨ Дьокуускай куоратын борокуратуурата бэрэбиэркэ ыытан, 68 саастаах куорат олохтооҕо төлөпүөн нөҥүө үлэлиир түөкүннэр албыннарыгар…
«Почта России» Саҥа дьыллааҕы бырааһынньыктар иннилэринэ биэнсийэни уонна социальнай төлөбүрдэри тиэрдии бэрээдэгин туһунан иһитиннэрэр. Ахсынньы…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…