Жатайга дьахтар таксыыска саба түһэн, массыынатын күрэппит уонна суол быһылаанын оҥорбут

Жатайга 27 саастаах итирик дьахтар күрэппит массыынатынан саахалга түбэспит уонна  утарсыбыт. Ол иннинэ кини таксыыска саба түспүт. Бу туһунан  ИДьМ пресс-сулууспата иһитиннэрдэ.

Уоруу туһунан сайабылыанньа сарсыарда түөрт аҥаар чаас саҕана киирбит. 26 саастаах таксыыс полицияҕа кэпсээбитинэн, кини Сатал түөлбэттэн Жатайга диэри дьахтары илдьибит. Айан кэмигэр онто да суох итирик пассажир суукканы быһа үлэлиир маҕаһыын аттыгар тохтуурга көрдөспүт. Кини онтон пиибэлээх тахсан, массыына иһигэр иһэн барбыт. Суоппар маннык быһыыны сөбүлээбэтэх, оччотугар этиһии саҕаламмыт. Итирик дьахтар массыына салонуттан тахсартан аккаастаммыт. Онтон кини таксыыһы кырбаан, төлөпүөнүн былдьыы сатаабыт. Эр киһи полицияҕа эрийээри тахсыбытыгар, пассажир дьахтар суоппар массыынаны күрэппит.

Жатайдааҕы полиция үлэһиттэрэ таксыы массыынатын Северная уулуссаттан чугас сиртэн булбуттар. Полицияҕа бэлиэтииллэринэн, саахалга кыыс тыҥыраҕын тоһуппут, дьолго, атын эчэйиини ылбатах.

27 саастаах сокуону кэһээччигэ полицияҕа бас бэриммэтэҕин иһин боротокуол оҥорбуттар, дьыалатын суут көрүөҕэ. Саахал кэнниттэн массыына улаханнык алдьаммыт.