ГАИ пресс-сулууспата
Жатайга 27 саастаах итирик дьахтар күрэппит массыынатынан саахалга түбэспит уонна утарсыбыт. Ол иннинэ кини таксыыска саба түспүт. Бу туһунан ИДьМ пресс-сулууспата иһитиннэрдэ.
Уоруу туһунан сайабылыанньа сарсыарда түөрт аҥаар чаас саҕана киирбит. 26 саастаах таксыыс полицияҕа кэпсээбитинэн, кини Сатал түөлбэттэн Жатайга диэри дьахтары илдьибит. Айан кэмигэр онто да суох итирик пассажир суукканы быһа үлэлиир маҕаһыын аттыгар тохтуурга көрдөспүт. Кини онтон пиибэлээх тахсан, массыына иһигэр иһэн барбыт. Суоппар маннык быһыыны сөбүлээбэтэх, оччотугар этиһии саҕаламмыт. Итирик дьахтар массыына салонуттан тахсартан аккаастаммыт. Онтон кини таксыыһы кырбаан, төлөпүөнүн былдьыы сатаабыт. Эр киһи полицияҕа эрийээри тахсыбытыгар, пассажир дьахтар суоппар массыынаны күрэппит.
Жатайдааҕы полиция үлэһиттэрэ таксыы массыынатын Северная уулуссаттан чугас сиртэн булбуттар. Полицияҕа бэлиэтииллэринэн, саахалга кыыс тыҥыраҕын тоһуппут, дьолго, атын эчэйиини ылбатах.
27 саастаах сокуону кэһээччигэ полицияҕа бас бэриммэтэҕин иһин боротокуол оҥорбуттар, дьыалатын суут көрүөҕэ. Саахал кэнниттэн массыына улаханнык алдьаммыт.
«Малая Родина - сила России» «Опорные точки роста: пространственное развитие территории» Бүтүн Арассыыйатааҕы III муниципальнай…
Кыһын дьиэбит иһэ сылаас, сырдык да буоллар, түннүккэ турар үүнээйилэргэ уустук кэм. Тымныы түннүктэн хаарыйар…
Арассыыйа эрэгийиэннэрэ сири сайыннарыы эргэ стратегиятыттан, ордук сатабыллаах уонна уопсастыбаннай эйгэттэн экэниэмикэ үрдээһинигэр, туризмҥа тиийэ…
Ньурба тыйаатырын айар бөлөҕө ахсынньы 8 күнүттэн Үөһээ Бүлүү-Бүлүү-Бэрдьигэстээх-Дьокуускай-Тулагы-Маҥарас-Ньурба маршрутунан гостуруолга туруммута. Артыыстар Үөһээ Бүлүү…
Бырааһынньыктааҕы күннэргэ үлэ биэрээччи үлэһиккэ куттала суох үлэ усулуобуйатын хааччыйыахтаах. Бу үлэ харыстабылын нуорматын тутуһууну,…
Сэтинньигэ уонна ахсынньыга Дьокуускай куорат үс олохтооҕуттан ИДьМ «Дьокуускайдааҕы» управлениетын 2-с №-дээх полициятын отделыгар уоруу…